Siciliya və Malta Turu Türk Hava Yolları ilə 6 gecə (PMO-MLA)

Otelimizdə alacağımız səhər yeməyindən sonra bütün gün sərbəst zaman. Arzu edən qonaqlarımız bələdçimizin əlavə olaraq təşkil edəcəyi Erise və Trapani turumuza qoşula bilərlər. Turumuza Orta əsr atmosferini yaşayacağınız Erise ilə başlayırıq. Erise-nin daş küçələrində gəzib Venera Qalasından möhtəşəm mənzərəni seyr edirik. Şokolad dükanları və şirniyyat mağazaları ilə məşhur olan Erise-nin dadlı ləzzətlərini sınamağınızı tövsiyə edirik. Daha sonra balıqçı qəsəbəsi olan Trapani-yə gedirik. Balıqçı limanında gəzib rəngli balıqçı qayalarını görəcəyik. Lido di Paradiso kimi toxunulmamış sahillərə malik olan Trapani-də verəcəyimiz fasilədə arzu edən qonaqlarımız dəniz məhsullarının dadını çıxara bilərlər. Turumuzdan sonra otelimizə hərəkət və gecələmə otelimizdə.

Otelimizdə alacağımız səhər yeməyindən sonra oteldən çıxış edərək otaq açarlarını resepsiyaya təhvil veririk. Daha sonra Kataniya-ya hərəkət edirik. Arzu edən qonaqlarımız bələdçimizin yol üzərində əlavə olaraq təşkil edəcəyi Cefalu balıqçı qəsəbəsi və bir çox brendi ucuz tapa biləcəyiniz Siciliyanın ən böyük outletlərindən birinə turumuza qoşula bilərlər. Cefalu, Siciliyanın şimal sahilində yerləşən tarixi və gözəl balıqçı qəsəbəsidir. Tarixi küçələri, möhtəşəm çimərlikləri və məşhur Cefalu Katedrali ilə tanınır. Rocca di Cefalu adlı təpədən şəhər mənzərəsini seyr etdikdən sonra tarixi şəhər mərkəzi və dar küçələrinə enəcəyik. Ərəb və Norman memarlığının bənzərsiz qarışığına sahib olan möhtəşəm Cefalu Katedralini görəcəyik. Dəniz kənarında yerləşən kafelərdə dincəldikdən sonra Outlet-ə hərəkət edəcəyik. Burada alış-veriş üçün verəcəyimiz fasilədən sonra Kataniya-ya transfer. Kataniya-ya varışımız ilə Kataniya panoramik şəhər turumuzu edirik. Bu turumuzda; Fontana dell’Elefante, Respublika Meydanı, Etna Küçəsi və Duomo Katedrali görəcəyimiz yerlərdəndir. Gecələmə otelimizdə.

Otelimizdə alacağımız səhər yeməyindən sonra arzu edən qonaqlarımız bələdçimizin əlavə olaraq təşkil edəcəyi Etna Yanardağı, Xaçatan filminin çəkildiyi məkanlardan Savoca ilə Oskar Vayld və Riçard Vaqner kimi məşhurların sevimli yerlərindən Taormina turumuza qoşula bilərlər. Turumuza 3350 metr hündürlüyü ilə Avropanın ən böyük və ən yüksək yanardağı olan, təxminən yarım milyon ildir aktiv olan və UNESCO tərəfindən də Dünya Təbiət İrsi siyahısında olan Etna Yanardağı ilə başlayırıq. Lavlar ilə örtülü dağın ətəyindən sönmüş kraterlər səviyyəsi olan 1900 metrdəki Silvestri kraterinə qədər qalxırıq. Daha sonra Xaçatan 2 filminin ən vacib səhnələrinin çəkildiyi Savoca-ya davam edirik. Siciliya adasında məşhur mafiya ailələrinin hekayələrini dinləyib, filmin məşhur səhnələrinin çəkildiyi Bar Vitelli-də divarları bəzəyən filmin qəhrəmanları Maykl ilə Apolloniyanın fotoları müşayiəti ilə yerli içki içərkən filmin də səhnələrini gözünüzdə canlandıra bilərsiniz. Buradan çıxdıqdan sonra daş döşənmiş dar yolu izləyərək 14-cü əsrdən qalma, Xaçatan filmində də Maykl və Apolloniyanın evləndikləri San Nikolo kilsəsini görəcəyik. Ardından Naxos üzərindən Taormina-ya hərəkət edəcəyik. Gözəl sahili və təbiəti ilə Naxos sizi heyran edəcək. Siciliyanın ən dəbdəbəli qəsəbəsi Taormina-ya varışımızın ardından Chiesa di san Giuseppe, Porta Kataniya və Porta Messina görüləcək yerlər arasındadır. Taormina-da xüsusilə Siciliya mətbəxinin ləzzətlərindən olan Pasta alla Norma və Canolo Sicilliano-nu sınamağınızı tövsiyə edirik. Turumuzdan sonra otelimizə hərəkət və gecələmə otelimizdə.

Səhər otelimizdə alacağımız səhər yeməyindən sonra oteldən çıxış əməliyyatları. Arzu edən qonaqlarımız ilə yol üzərində əlavə Sirakusa və Noto turuna gedirik. Məşhur riyaziyyatçı Arximedin yaşadıği şəhər olan Sirakusa-ya edəcəyimiz turumuzda körpülərlə Sirakusa-ya bağlı olan Ortiqiya yarımadasına keçərək əsas mərkəzi sayılan Duomo Meydanı ilə başlayırıq. Bu meydanda Afina məbədinin üzərində qurulmuş olan Sirakusa katedrali və şəhərin müqəddəs qadını kimi də tanınan Santa Luçiya kilsəsini görəcəyik. Şirin su mənbəyi olan Aretusa Çeşməsi və Arximed meydanını gəzdikdən sonra şəhərin kafe və dükanlarla bəzədilmiş dar küçələrində itəcəyik. Sərbəst zamandan sonra isə Siciliyada Barokko tərzinin ən vacib qəsəbələrindən olan Noto-nu görməyə gedəcəyik. 1693 zəlzələsində tamamilə yerlə bir olduqdan sonra 18-ci əsrdə əslinə uyğun olaraq yenidən inşa edilən bir çox tarixi tikilini və memarlıq incilərini gəzərək görəcəyik. Daha sonra Kataniya-ya hərəkət və Kataniya panoramik şəhər turumuzu edirik. Bu turumuzda Fontana dell’Elefante, Respublika Meydanı, Etna Küçəsi və Duomo Katedrali görəcəyimiz yerlərdəndir. Turumuzdan sonra Pozzallo limanına gedərək sürətli bərə ilə saat 19:30-da Malta-ya hərəkət. 21:15-də Malta-ya varış və otelimizə yerləşmə. Geceçələmə otelimizdə.

Otelimizdə alacağımız səhər yeməyindən sonra 3 şəhər panoramik turumuzu həyata keçirəcəyik. Arxanıza söykənin və Kotonera kimi də tanınan və Malta Cəngavərləri tərəfindən inşa edilmiş və dəstəklənmiş Vittoriosa, Kospikua və Senglea şəhərlərini bizimlə kəşf edin. Kospikua-dakı avtobus gəzintimizdən sonra piyada olaraq mistik və sirli Vittoriosa şəhərinin dar küçələrini gəzəcəyik, tarixi kilsələri və sarayları görəcəyik. Sonda isə möhtəşəm liman mənzərəsi ilə Böyük Limanın mərkəzində yerləşdirilmiş gözətçi qülləsi ilə Senglea bizi gözləyəcək. Arzu edən qonaqlarımız bələdçimizin əlavə olaraq təşkil edəcəyi Rabat & Mdina & Valletta turumuza qoşula bilərlər. İlk dayanacağımız e.ə. 700-cü ildə kolonizasiya edilən və Mdina-nı əhatə edən tarixdən qalma dar küçələri ilə Rabat. Rabat-ı gördükdən sonra isə piyada olaraq məşhur serial Game of Thrones-un bir çox səhnəsinin çəkildiyi təbii səhnə olan Maltanın köhnə paytaxtı Mdina-nı ziyarət edirik. Səssiz şəhər olaraq bilinən bu Orta əsr şəhərinin dar küçələrində gəzərkən möhtəşəm Saint Paul Katedrali, 13-cü əsrdən qalma Maltanın əsilzadə ailələrindən Falson ailəsinin inşa etdirdiyi Falson Malikanəsi, Barokko tərzində 17-ci əsrdə inşa edilmiş Karmelite Monastırı, Vilhena Sarayı və Mdina-nın köhnə evlərini görəcəyik. Sərbəst zamanımızdan sonra Valletta-ya doğru yola çıxacağıq. Valletta şəhər turumuzu həyata keçirəcəyik. Turumuz əsnasında möhtəşəm qala divarları ilə əhatə olunmuş Valetta şəhərini kənardan görmə fürsətimiz olacaq. Avtobusla edəcəyimiz turdan sonra bələdçimizin müşayiəti ilə tur edərək paytaxt Valletta-nın canlı küçələrini gəzərək şəhəri kəşf edəcəyik. İlk dayanacağımız bu görkəmli şəhəri əhatə edən müdafiə divarlarının yuxarı hissəsində tikilmiş Barrakka Bağları olacaqdır. St. John cəngavərləri tərəfindən tikilmiş bu bağlar eyni zamanda Böyük Limanın və qala divarları ilə əhatə olunmuş 3 köhnə şəhərin də möhtəşəm mənzərəsinə malikdir. Valletta-da verəcəyimiz fasilədən sonra otelimizə geri dönürük. Gecələmə otelimizdə.

Otelimizdə alacağımız səhər yeməyindən sonra otaq açarlarını resepsiyaya təhvil veririk. Günün qalan hissəsində sərbəst zamanımız olacaq. Arzu edən qonaqlarımız bələdçimizin əlavə olaraq təşkil edəcəyi Popeye Village, Sliema və balıqçı qəsəbəsi olan Marsaxlokk turuna qoşula bilərlər. 1980-ci ildə Temel Reis filminin çəkildiyi Popeye Village-a çatmaqdayıq. Burada həm kəndini gəzirik, həm də Temel Reis, Safinaz və Kaba Sakal-ın şoularını izləyirik. Yeni Maltanın üzü olaraq da bilinən Sliema-da sahil boyu gəzinti edərək alış-veriş mağazalarını ziyarət edə bilərsiniz. Canlı həyatı ilə Sliema-da həmçinin çox sayda restoran və kafe mövcuddur. Sliema turumuzdan sonra turumuza Marsaxlokk adlı balıqçı kəndini ziyarət edərək davam edəcəyik. Luzzo adlı Malta-ya xas rəng və dizayna malik kiçik sevimli balıqçı qayığı təqdim etdiyi mənzərəni qaçırmamalısınız. Eyni zamanda açıq bazar qurulan bu sevimli balıqçı kəndində sərbəst zamanınızda arzu edən qonaqlarımız təzə balıq və dəniz məhsullarının dadına baxa bilərlər. Turdan sonra aeroporta transfer. Bilet və baqaj əməliyyatlarının ardından Türk Hava Yollarının TK1372 nömrəli reys ilə saat 19:30-da İstanbul-a hərəkət. İstanbuldan Bakıya dönüş uçuşu. Yerli vaxt ilə 23:00-da İstanbul-a varış və turumuzun sonu.