Marşrut: Kasablanka – Mərakeş – Uarzazat – Sahara səhrası – Fəs – Tanjer – Kasablanka
Otel kateqoriyası: 4★ və 5★ otellər və ya bənzərləri
Qidalanma: Yarım pansion
Müddət: 7 gecə / 8 gün

Tur proqramı

Bakıdan İstanbul Sabiha Gökçen hava limanına uçuş, İstanbul Sabiha Gökçen Hava Limanının beynəlxalq uçuşlar terminalında görüşürük.

Baqajın təhvil verilməsi, qeydiyyat və sərhəd prosedurları tamamlandıqdan sonra Air Arabia Hava Yollarının 3O438 nömrəli müntəzəm reysi ilə saat 00:10-da Kasablankaya uçuruq. Saat 03:15-də Kasablanka Mohammed V Hava Limanına çatdıqdan sonra bizi gözləyən xüsusi avtobusla Mərakeş şəhərinə yola düşürük.

Oteldə səhər yeməyindən sonra sərbəst vaxt verilir. Arzu edən qonaqlarımız tam günlük “Qırmızı şəhər – Mərakeş turu”na qoşula bilərlər — əlavə ödəniş: 80 EUR.

Şəhər turu zamanı Koutoubia minarəsini, Afrikanın bütün rənglərini özündə birləşdirən Jmaa El Fna meydanını, küçə tamaşalarını və açıq hava restoranlarını panoramik şəkildə görəcəyik. Daha sonra ölkəyə məxsus naxışlı kaşılarla bəzədilmiş Bahia sarayını ziyarət edəcəyik.

Turun davamında XX əsrin əvvəllərindən etibarən avropalı modelyerlərin, rəssamların, musiqiçilərin və səyyahların sevimli məkanına çevrilmiş Mərakeş şəhərinin valehedici atmosferini kəşf edəcəyik. Şəhərin tarixi medinasında orta əsrlərdən qalan ənənələrin bu gün də necə yaşadıldığını görəcəyik.

Ardınca Yves Saint Laurent ilə məşhurlaşmış Jardin Majorelle — Majorelle bağına baş çəkəcəyik. Mərakeş memarlığının gözəl nümunələrindən biri olan bu bağda nadir bitkiləri görmək və fotoşəkillər çəkmək imkanımız olacaq.

Turdan sonra otelə transfer və sərbəst vaxt. Arzu edən qonaqlarımız axşam yerli yeməklərin təqdim olunduğu Berber gecəsi — “Fantasia Chez Ali” şou proqramına qoşula bilərlər — əlavə ödəniş: 70 EUR.

Otel: Hotel Palm Plaza 5★, Hotel Blue Sea 4★ və ya bənzəri
Səhər yeməyi: Oteldə təqdim olunur və tur qiymətinə daxildir
Nahar: Sərbəst vaxtda, bələdçinin tövsiyə edəcəyi məkanda əlavə ödənişlə
Şam yeməyi: Sərbəst vaxtda, bələdçinin tövsiyə edəcəyi məkanda əlavə ödənişlə
Marşrut: Kasablanka – Mərakeş, 250 km — təxminən 3 saat 30 dəqiqə
Otelə giriş: Yol şəraitindən asılı olaraq təxminən saat 20:00

Gecələmə: Mərakeş

Oteldə səhər yeməyindən sonra sərbəst vaxt verilir. Arzu edən qonaqlarımız “Essaouira turu”na qoşula bilərlər — əlavə ödəniş: 80 EUR.

UNESCO-nun Dünya İrsi Siyahısına daxil edilmiş Essaouira Atlantik okeanının sahilində yerləşən, incəsənətlə mədəniyyətin birləşdiyi qədim Portuqaliya liman şəhəridir. Şəhər portuqal dilində Mogador adı ilə də tanınır.

Orson Wellesin “Otello” filmi və “Game of Thrones” serialının bəzi səhnələri burada çəkilib. Yəhudi məhəlləsi Mellah, Portuqaliya qalası, mavi qayıqları ilə məşhur balıqçı limanı və tarixi bazar görəcəyimiz yerlər arasındadır.

Turdan sonra Mərakeş şəhərindəki otelimizə qayıdış və sərbəst vaxt.

Otel: Hotel Palm Plaza 5★, Hotel Blue Sea 4★ və ya bənzəri
Səhər yeməyi: Oteldə təqdim olunur və tur qiymətinə daxildir
Nahar: Sərbəst vaxtda, bələdçinin tövsiyə edəcəyi məkanda əlavə ödənişlə
Şam yeməyi: Sərbəst vaxtda, bələdçinin tövsiyə edəcəyi məkanda əlavə ödənişlə
Marşrut: Essaouira – Mərakeş, 175 km — təxminən 3 saat
Yemək tövsiyəsi: Təzə dəniz məhsulları və balıq yeməkləri
Alış-veriş tövsiyəsi: Məşhur Mərakeş arqan yağı və arqan yağı əsasında hazırlanmış kosmetik məhsullar
Otelə giriş: Yol şəraitindən asılı olaraq təxminən saat 20:00

Gecələmə: Mərakeş

Səhər yeməyindən sonra Uarzazata yola düşürük. Marşrut boyunca “Çağırış”, “Nilin incisi”, “Qladiator”, “Böyük İsgəndər”, “Babil” və “Game of Thrones” kimi çoxsaylı məşhur ekran əsərlərinin çəkildiyi Ait Benhaddou şəhərini ziyarət edəcəyik.

Otelə yerləşdikdən sonra sərbəst vaxt veriləcək. Arzu edən qonaqlarımız “Atlas Film Studiyaları turu”na qoşula bilərlər — əlavə ödəniş: 25 EUR.

Şam yeməyi və gecələmə oteldə.

Otel: Karam Palace 4★ və ya bənzəri
Səhər yeməyi: Oteldə təqdim olunur və tur qiymətinə daxildir
Nahar: Sərbəst vaxtda, bələdçinin tövsiyə edəcəyi məkanda əlavə ödənişlə
Şam yeməyi: Oteldə təqdim olunur və tur qiymətinə daxildir
Marşrut: Mərakeş – Ait Benhaddou – Uarzazat, 215 km — təxminən 4 saat
Otelə giriş: Yol şəraitindən asılı olaraq təxminən saat 20:00

Gecələmə: Uarzazat

Səhər yeməyindən sonra Tinghir şəhərinə yola düşürük. Yol boyunca bir tərəfdə səhranın, digər tərəfdə isə Atlas dağlarının möhtəşəm mənzərəsini seyr edəcəyik. Su kanalları, Todra vadisi və “Qızılgüllər şəhəri” kimi tanınan M’Gouna marşrutumuzun əsas dayanacaqları arasındadır.

Daha sonra Merzouga səhrasına çataraq düşərgəyə yerləşəcəyik. Şam yeməyindən sonra sərbəst vaxt veriləcək.

Arzu edən qonaqlarımız dəvə ilə günbatımı və ya gündoğumu səfərinə qoşula bilərlər — əlavə ödəniş: 40 EUR.

Gecələmə səhra düşərgəsində.

Yerləşmə: Les Dunes de Berbere çadır düşərgəsi
Səhər yeməyi: Oteldə təqdim olunur və tur qiymətinə daxildir
Nahar: Sərbəst vaxtda, bələdçinin tövsiyə edəcəyi məkanda əlavə ödənişlə
Şam yeməyi: Düşərgədə təqdim olunur və tur qiymətinə daxildir
Marşrut: Uarzazat – Tinghir, 175 km — təxminən 2 saat 30 dəqiqə
Marşrut: Tinghir – Merzouga, 200 km — təxminən 3 saat
Düşərgəyə giriş: Yol şəraitindən asılı olaraq təxminən saat 20:00

Gecələmə: Sahara səhrası

Sahara səhrasındakı xüsusi düşərgəmizdə gündoğumunun gözəlliyini seyr edərək oyanırıq. Səhər yeməyindən və fotoşəkil çəkmək üçün ayrılan vaxtdan sonra İfran şəhərinə yola düşürük.

Yol üzərində yerləşən Midelt qəsəbəsində yerli restoranlardan birində nahar fasiləsi veriləcək. Daha sonra möhtəşəm Ziz vadisinin fotoşəkillərini çəkmək imkanımız olacaq.

Ardınca Atlas dağlarında yerləşən İfrana hərəkət edirik. “Mərakeşin kiçik İsveçrəsi” kimi tanınan İfran xizək mərkəzi və İsveçrə üslublu memarlığı ilə seçilən turistik şəhərdir.

Burada veriləcək qəhvə fasiləsindən sonra Fəs şəhərindəki otelimizə transfer və istirahət üçün sərbəst vaxt. Şam yeməyi və gecələmə oteldə.

Otel: Zalagh Boutique Sky 4★, Zalagh Park Palace 5★ və ya bənzəri
Səhər yeməyi: Düşərgədə təqdim olunur və tur qiymətinə daxildir
Nahar: Sərbəst vaxtda, bələdçinin tövsiyə edəcəyi məkanda əlavə ödənişlə
Şam yeməyi: Oteldə təqdim olunur və tur qiymətinə daxildir
Marşrut: Merzouga – İfran, 400 km — təxminən 8 saat
Marşrut: İfran – Fəs, 70 km — təxminən 1 saat
Otelə giriş: Yol şəraitindən asılı olaraq təxminən saat 20:00

Gecələmə: Fəs

Oteldə səhər yeməyindən sonra sərbəst vaxt verilir. Arzu edən qonaqlarımız Fəs şəhər turuna qoşula bilərlər — əlavə ödəniş: 25 EUR.

Fəs medinasını kəşf etməyə Kral Sarayının monumental qapısı olan Bab əl-Məxzəndən başlayacağıq. Daha sonra tarixi medinanın labirinti xatırladan küçələri ilə gəzintimizi davam etdirəcəyik.

Attarine mədrəsəsi, Əl-Qaraviyyin Universiteti, Nejjarine meydanı, Mərakeşə məxsus zinət və mis əşyaların satıldığı bazar, həmçinin Fəs çayının yaxınlığında yerləşən və ənənəvi üsulla dəri emalının davam etdirildiyi dabbaqxanalar görəcəyimiz yerlər arasındadır.

Daha sonra şöhrəti Mərakeş sərhədlərini aşmış Mavi şəhər — Şafşavana yola düşürük. Şəhərin labirinti xatırladan mavi küçələri ilə gəzintidən sonra alış-veriş üçün sərbəst vaxt veriləcək.

Bələdçinin müəyyən etdiyi vaxtda görüşdükdən sonra Tanjer şəhərindəki otelimizə transfer. Şam yeməyi və gecələmə oteldə.

Otel: Hotel Solazur 4★ və ya bənzəri
Səhər yeməyi: Oteldə təqdim olunur və tur qiymətinə daxildir
Nahar: Sərbəst vaxtda, bələdçinin tövsiyə edəcəyi məkanda əlavə ödənişlə
Şam yeməyi: Oteldə təqdim olunur və tur qiymətinə daxildir
Marşrut: Fəs – Şafşavan, 200 km — təxminən 3 saat 45 dəqiqə
Marşrut: Şafşavan – Tanjer, 110 km — təxminən 2 saat 20 dəqiqə
Otelə giriş: Yol şəraitindən asılı olaraq təxminən saat 20:00

Gecələmə: Tanjer

Oteldə səhər yeməyindən sonra sərbəst vaxt verilir. Arzu edən qonaqlarımız Tanjer şəhər turuna qoşula bilərlər — əlavə ödəniş: 25 EUR.

Şəhər turumuza İspan məhəlləsindən başlayaraq Tanjer medinasında davam edəcəyik. İbn Battuta türbəsi, Petit Socco və Grand Socco meydanlarını gördükdən sonra avtobusumuzla ölkənin paytaxtı Rabata yola düşəcəyik.

Rabat evkalipt və Portuqaliya mantar palıdı meşələri ilə əhatələnən Bou Regreg çayının sahilində yerləşir. Sürgündə olan kralın ölkəyə qayıtdığını bu şəhərdən elan etməsindən sonra Rabat Mərakeşin paytaxtına çevrilib.

Şəhərdə Oudaya kasbasını, Hassan qülləsini və V Məhəmməd məqbərəsini ziyarət etdikdən sonra Kasablankadakı otelimizə transfer olunacağıq.

Şam yeməyi və gecələmə oteldə.

Otel: Hotel Fourteen 4★ və ya bənzəri
Səhər yeməyi: Oteldə təqdim olunur və tur qiymətinə daxildir
Nahar: Sərbəst vaxtda, bələdçinin tövsiyə edəcəyi məkanda əlavə ödənişlə
Şam yeməyi: Oteldə təqdim olunur və tur qiymətinə daxildir
Marşrut: Tanjer – Rabat, 245 km — təxminən 3 saat
Marşrut: Rabat – Kasablanka, 90 km — təxminən 1 saat 30 dəqiqə
Otelə giriş: Yol şəraitindən asılı olaraq təxminən saat 20:00

Gecələmə: Kasablanka

Oteldə səhər yeməyindən və otaqların təhvil verilməsindən sonra Kasablanka şəhər turumuza başlayırıq.

Afrikanın və Mərakeşin ən böyük limanlarından birinə sahib olan Kasablanka ölkənin mühüm sənaye şəhərlərindən biridir. Şəhər turu zamanı V Məhəmməd meydanını, II Hassan məscidini və hər zaman canlı olan Corniche sahil bulvarını panoramik şəkildə görəcəyik.

Turdan sonra hava limanına transfer. Baqajın təhvil verilməsi, qeydiyyat və sərhəd prosedurlarının ardınca Air Arabia Hava Yollarının 3O437 nömrəli müntəzəm reysi ilə saat 18:00-da İstanbula uçuruq.

Saat 00:40-da İstanbul Sabiha Gökçen Hava Limanına çatdıqdan sonra turumuz başa çatır. İstanbuldan Bakıya dönuş.

Səhər yeməyi: Oteldə təqdim olunur və tur qiymətinə daxildir

Qiymətə daxil olan və olmayan xidmətlər

Qiymətə daxildir

Bakı–İstanbul–Kasablanka–İstanbul–Bakıistiqamətində ekonom sinif aviabiletləri
Yerli nəqliyyat və transfer xidmətləri
Mərakeş şəhərində 2 gecə
Uarzazatda 1 gecə
Sahara səhrasında 1 gecə
Fəsdə 1 gecə
Tanjerdə 1 gecə
Kasablankada 1 gecə
Otellərdə səhər yeməkləri
Otellərdə 5 dəfə şam yeməyi

Qiymətə daxil deyil

Əlavə / optional xidmətlər

Tur çərçivəsində 4★ və 5★ kateqoriyalı otellərdə və ya eyni səviyyəli alternativ otellərdə yerləşmə nəzərdə tutulur.
Tur proqramında göstərilən otellər nümunə xarakteri daşıyır. Eyni kateqoriyada alternativ otellər təqdim edilə bilər.
Uçuş saatları aviaşirkət tərəfindən dəyişdirilə bilər.
Əlavə ekskursiyaların keçirilməsi iştirakçı sayından və yerli şəraitdən asılıdır.
Yol müddətləri təxminidir və nəqliyyat şəraitinə görə dəyişə bilər.
Tur proqramının icra ardıcıllığı bələdçi tərəfindən dəyişdirilə bilər.

Uçuş saatları aviaşirkət tərəfindən dəyişdirilə bilər. Otellərin dəqiq adları və turun yekun proqramı səfərdən əvvəl təqdim olunacaq. Əlavə ekskursiyaların keçirilməsi iştirakçı sayından və yerli şəraitdən asılıdır.

NZ TRAVEL CLUB