Los-Anceles, Las-Veqas və San-Fransisko Turu Qərbi Amerika - Türk Hava Yolları ilə 7 gecə

Los-Anceles Səhər sərbəst vaxt. Arzu edən qonaqlarımız bələdçilərinin əlavə olaraq təşkil edəcəyi San-Dieqo Turuna qoşula bilərlər. İllərdir Amerikanın ən gözəl şəhəri seçilən San-Dieqoda ilk dayanacağımız La Jolladır. Suiti çimərliyi və sahilləri ilə məşhur La Jollada təbiətin və dəbdəbəli evlərin uyğunluğunu görəcək və bol-bol fotoşəkil çəkdirəcəksiniz. La Jolladan ayrılıb 2-ci dayanacağımız olan Old Towne gedirik. Californiyanın doğulduğu yer olan Old Townda özünüzü əsl Mexikoda hiss edəcəyiniz atmosfer sizi gözləyir. Old Towndan sonra Sea Port Village, Midway təyyarə daşıyıcısı, II Dünya Müharibəsinin simvolik heykəli, Amerika Hərbi Dəniz Qüvvələrinin bazasının yerləşdiyi və həmçinin Amerikanın ən böyük taxta binası olan tarixi Hotel Del Coronadonun da yerləşdiyi Coronado adası ziyarət edəcəyimiz yerlər arasındadır. Turdan sonra otelə qayıdış və gecələmə otelimizdə.

Los-Anceles Səhər sərbəst vaxt. Arzu edənlər bələdçilərin əlavə olaraq təşkil edəcəyi Universal Studios turuna qatılaraq Amerika kino sənayesinin mərkəzi olan Los-Ancelesdə film studiyalarını və içərisindəki möhtəşəm oyun və attraksionları kəşf etmək imkanı əldə edə bilərlər. Bu turumuzda dünyanın ən böyük parklarından biri olan və Amerikanın yaranmasında təsirli olan filmlərin necə çəkildiyini və qəhrəmanlarını yaxından görmək imkanı tapacağımız Universal Studiosa gedirik. Dünyaca məşhur rejissor Steven Spielbergin məsləhətçiliyi ilə fəaliyyət göstərən Universal Studiosun dünyanın 1 nömrəli studiyası və əyləncə parkı olduğunu daha yaxşı anlayacaqsınız. 40-dan çox şou, film dəsti və əyləncə sizi özünə çəkəcək və nəfəsinizi kəsəcək. Turdan sonra sərbəst vaxt. Gecələmə otelimizdə.

Los-Anceles – Las-Veqas Səhər oteldən ayrılır və Nevada ştatının ən mühüm turistik mərkəzi olan, dünyanın ən böyük otellərinə ev sahibliyi edən gecələr şəhəri Las-Veqasa hərəkət edəcəyik. Yol üzərində ümumi iştirak olarsa qaçırmamanız lazım olan bir qəsəbəyə baş çəkirik. Ghost Town kimi də adlandırılan köhnə Gümüş Mədəni Qəsəbəsinə baş çəkərək Amerikanın filmlərdə gördüyünüz kovboy qəsəbələrindən biri olan Caliconu kəşf etmək və gözəl şəkillər çəkdirmək imkanı tapacaqsınız. Təqribən 4.5 saat davam edəcək səyahətdən sonra otelimizə transfer. Otaqların verilməsi yenə də saat 16:00-dan tez olmayacaq. Arzu edən qonaqlarımız bələdçimizin əlavə olaraq təşkil edəcəyi Las-Veqas Kombinə Turuna qoşula bilərlər. Dünyanın müxtəlif turistik bölgələrindən ilhamlanaraq möhtəşəm memarlıqla böyük otel yatırımlarının yerləşdiyi Las-Veqas Stripdə edəcəyimiz gəzintidən sonra ticarət mərkəzinə gedirik. Burada verəcəyimiz alış-veriş fasiləsindən sonra digər dayanacağımız The Spheredir. Yaxın zamanda tamamlanan və qısa müddətdə bütün dünyaya səs salan Sphere-i yaxından görmək fürsəti tapacağıq. Burada verəcəyimiz sərbəst vaxtdan sonra Las-Veqasın mərkəzinə gedirik. Downtown adlandırılan və bütün gün ərzində insanların olduğu bu bölgədə ən diqqətçəkən Fremont Street Experience-a gedirik. Konserlərin və müxtəlif tədbirlərin keçirildiyi üstüörtülü bu küçədə arzu edənlər üçün sərbəst vaxt veririk. Sərbəst vaxtdan sonra otelimizə hərəkət. Gecələmə otelimizdə.

Las-Veqas Səhər sərbəst vaxt. Arzu edən qonaqlarımız ilə bələdçilərinin əlavə olaraq təşkil edəcəyi və qətiyyən qaçırmamanız lazım olan Böyük Kanyon (Grand Canyon) turuna çıxırıq. Təqribən 2 saatlıq yoldan sonra Böyük Kanyona çatırıq. Bizə ərazini gəzdirəcək avtobuslara minirik. Son nöqtə olan Eagle Pointdə kanyonun möhtəşəm fotoşəkillərini 800 metrlik uçurumun kənarından çəkmək imkanı tapırıq. Yenə burada Hualapai Hindularının çadırlarını fotoşəkil çəkdirmək imkanımız olur. Buradan təkrar avtobusa minərək Guana Pointə gedirik. Hualapai Hindularının hazırladığı yeməkləri yeyərkən başqa bir möhtəşəm mənzərəyə şahid oluruq. Yeməkdən sonra Terminala geri dönüb avtobusumuza minərək Las-Veqasa doğru yola çıxırıq. Həyatda bir dəfə mütləq görülməli olan və dünyanın 7 təbii möcüzəsindən biri olan bu möhtəşəm kanyonun sahibi olan Hualapai Hinduları ilə tanışlıq fürsəti də tapacaqsınız. Axşam Las-Veqas Stripdə gəzinti və otellərin açıq hava şoularını izləmək imkanı. Gecələmə otelimizdə.

Las-Veqas – San-Fransisko Səhər Las-Veqas Hava limanına transfer. Amerika daxili reysi ilə San-Fransiskoya uçuş. Hava limanında sizi gözləyən bələdçinizlə görüşdükdən sonra otelimizə transfer. Otaqların verilməsi saat 15:00-dən sonra olacağı üçün istəsəniz lobbidə dincələ bilər və ya bələdçinizin əlavə olaraq təşkil edəcəyi San-Fransisko Tanıtım turuna qoşula bilərsiniz. Turumuzda bu gözəl şəhəri tanıdan gəzinti edəcəyik. Civic Center, Golden Gate Bridge, Balıqçı Rıhtımı və Çin məhəlləsi, Twin Peaks, Haight and Ashbury, gözəl sənətlər sarayı, Lombard Street görəcəyimiz yerlərdən bəziləridir. Turdan sonra şam yeməyi üçün verəcəyimiz sərbəst vaxtın ardından otelimizə transfer. Gecələmə otelimizdə.

San-Fransisko Səhər sərbəst vaxt. Arzu edənlər bələdçilərinin əlavə olaraq təşkil edəcəyi Muir Woods National Park və San Francisco Premium Outlet turuna qoşula bilərlər. Muir Woods Milli Abidəsi, San-Fransisconun şimalında, Californiyanın Golden Gate Milli İstirahət Sahəsinin bir hissəsidir. Hündür, qədim sekoya ağacları ilə məşhurdur. Ağacların arasından keçən cığırlar Cathedral Grove və Bohemian Grove istiqamətində uzanır. Burada Amerika milli parklarının kiçik bir nümunəsini təcrübədən keçirəcəksiniz. Daha sonra gedəcəyimiz Premium Outletdə alış-veriş edə bilərik. Axşam otelə qayıdış və sərbəst vaxt. Gecələmə otelimizdə.

San-Fransisko – İstanbul Səhər otaqlarımızı boşaldır və uçuş saata qədər sərbəst vaxt. Arzu edənlər bələdçilərinin əlavə olaraq təşkil edəcəyi Sausolito və Alcatraz turuna qoşula bilərlər. Mövsümi şəraitə görə avtomobil və ya gəmi ilə Sausolito şəhərinə gedirik. Kordon boyu gəzərkən bir-birindən gözəl evləri görəcək, qəhvənizi dəniz kənarındakı kafelərdə San-Fransisko mənzərəsi qarşısında içəcəksiniz. Daha sonra gəmi ilə San-Fransiskoya geri qayıdarkən bir zamanlar dünyanın qaçılması qeyri-mümkün olan tək həbsxanası kimi tanınan Alcatrazı gəmidən fotoşəkil çəkdirmək şansını tapacaqsınız. Gəmimiz San-Fransisconun simvollarından biri olan Pier 39-a yanaşır. Burada günəşlənən dəniz şirlərini qısa ziyarətdən sonra, bələdçinizin tövsiyələri əsasında seçəcəyiniz restoranda sərbəst nahar edə bilərsiniz. Axşamüstü San-Fransisko hava limanına transfer və Türk Hava Yollarının TK 080 nömrəli reysi ilə saat 18:45-də İstanbula hərəkət. Gecələmə uçuşda. İstanbul: Yerli vaxt ilə saat 18:15-də İstanbul Hava limanına varış. İstanbuldan Bakıya dönüş uçuşu.