Kuala Lumpur & Phuket & Sinqapur & Bali Turu Türk Hava Yolları ilə 7 Gecə rotasına dair məlumat almaq və rezervasiyanızı dərhal etmək üçün klikləyin!
Bakıdan İstanbula uçuş və əsas tur proqramına qoşulma. İstanbul Havalimanında bələdçimizlə saat 15:00-də görüşür və qeydiyyat əməliyyatlarımızın ardınca Türk Hava Yolları reysi ilə saat 18:00-də Kuala Lumpur şəhərinə hərəkət edirik. Təxminən 10 saat davam edəcək uçuşumuzda gecəni təyyarədə keçiririk.
Yerli vaxt ilə 09:10-da Kuala Lumpur şəhərinə çatmağımızın ardından pasport və baqaj əməliyyatlarını tamamlayaraq Malayziyanın paytaxtını kəşf etməyə başlayırıq. Rəngli və enerjili şəhərdə Merdeka Meydanı, müasir memarlığı ilə tanınan Milli Məscid, kolonial dövrdən qalan Malayziya Dəmiryolu İdarə Binası və simvolik Petronas Əkiz Qüllələri ilk dayanacaqlarımızdır. Buddist və Taoist memarlığın birləşməsi ilə heyran edən Thean Hou Məbədi və Malayziya Kralının rəsmi iqamətgahı Istana Negara-nı görür, müstəqillik mübarizəsinə həsr olunmuş Milli Abidə ilə turumuzu yekunlaşdırırıq. Foto fasilələri və unudulmaz kadrlarla dolu bu turdan sonra otelimizə yollanırıq.
Səhər yeməyindən sonra sərbəst vaxt. İstəkli qonaqlarımız əlavə olaraq təşkil olunacaq Batu Mağaraları turuna qatala bilərlər. (50 EUR). Yol boyu rəngli Kiçik Hindistan məhəlləsindən keçərək Batu Mağaralarına doğru yola çıxacağıq. Batu Mağaralarının ən nəzərə çarpan və unikal simvollarından biri pilləkənlərin sonunda qürurlu və uzun şəkildə dayanan Hindu Tanrısı Lord Muruganın qızıl heykəlidir. Hündürlüyü 40 metrdən çox olan bu qeyri-adi heykəl mağaralardakı Hindu məbədinin qürurlu bir simvoludur. Ardından 272 pilləsi olan pilləkəni çıxıb kompleksdəki ən böyük mağaraya daxil olacağıq. Bu təbii əhəngdaşı kütlələri müxtəlif dini tanrıları özündə cəmləşdirən Hindu ibadətgahlarına ev sahibliyi edir. Pilləkənlərin dibindən məbədin girişinə qədər meymunların sıraya düzüldüyünə və ya ərazidə qaçışdığına şahid olacaqsınız. Gəzintidən sonra uçuş saatından asılı olaraq aeroporta transfer olur və yerli aviaşirkət ilə Taylandın cənnət adası Phukete uçuruq. Çatdıqdan sonra otelimizə transfer və otaqlara yerləşmə.
Oteldəki səhər yeməyindən sonra sərbəst vaxt. İstəkli qonaqlarımız əlavə olaraq təşkil olunacaq nahar yeməkli Ceyms Bond Adası turumuza qatala bilərlər. (85 EUR). 1974-cü il istehsalı Ceyms Bond filminin çəkildiyi Ceyms Bond Adasına qaylarla edəcəyimiz səyahətimiz əsnasında dünyanın unikal geoloji formalaşmalarından olan qayalıq adacıqları görəcəyik. Ceyms Bond adasına çatmağımıza uyğun olaraq Khao Phing Khan və Koh Tapu sizi qarşılayır və boş vaxtınızı şəkil çəkdirərək və ya yerli əhalidən hədiyyəlik əşya alaraq keçirə bilərsiniz. Dönüş yolumuz zamanı nahar yeməyimizi yeyəcəyik. Gəzintidən sonra otelə transfer.
Oteldəki səhər yeməyindən sonra sərbəst vaxt. İstəkli qonaqlarımız əlavə olaraq təşkil olunacaq nahar yeməkli Phi Phi Adası turumuza qatala bilərlər. (85 EUR). Phuketdən bu həyəcanverici Phi Phi Adaları sürətli qayığı ilə birgəgünlük turu ilə cənnətə qaçırıq. Gizli körfəzləri, dramatik qayaları və kristal təmiz suları kəşf edərək Monkey Beach-də oynaq meymunları izləyir, rəngli mərcan riflərində şnorkellə üzürük. Həmçinin, The Beach filmindən məşhur Maya Bay-i ziyarət edib filmin çəkildiyi bu nəhəng körfəzdə şəkil fasiləsi veririk. Gəzintidən sonra otelə transfer.
Oteldə qəbul ediləcək səhər yeməyindən sonra aeroporta transfer oluruq. Yerli aviaşirkət ilə Sinqapura uçur və çatdıqdan sonra panoramik Sinqapur turumuza başlayırıq. Bu turumuzda şəhərin simvolu Merlion Park və Esplanade, Marina Bay Sands və Gardens by the Bay ilə yanaşı məşhur alış-veriş küçəsi Orchard Road görüləcək yerlər sırasındadır. Gəzintidən sonra otelimizə transfer. Axşam istəkli qonaqlarımız əlavə olaraq təşkil olunacaq Sinqapur gecə işıq şouları turuna qatala bilərlər. (70 EUR). Sinqapur gecəsinin sehrini kəşf etmək üçün unudulmaz bir axşama dəvətlisiniz. Əvvəlcə Gardens by the Bay-in məşhur Supertree Grove-unda musiqi ilə sinxronlaşan heyranedici Garden Rhapsody işıq şouusunu izləyirik. Ardından qısa bir gəzinti ilə Marina Bay Sands-ə keçir və su, lazer və proyeksiyanın möhtəşəm uyğunluğu ilə hazırlanmış Spectra şousuna şahidlik edirik. Şəhərin ən simvolik mənzərələrini bir arada görmə fursəti təqdim edən bu xoş tur yüngül templi və vizual cəhətdən unudulmaz bir təcrübə arzulayanlar üçün idealdır. Gəzintidən sonra otelə qayıdırıq.
Oteldə alacağımız səhər yeməyindən sonra sərbəst vaxt. Sinqapurun müasir küçələrində alış-veriş edə bilər, Marina bölgəsində xoş gəzintilər həyata keçirə bilər və ya şəhərin simvolik nöqtələrini fərdi olaraq kəşf edə bilərsiniz. İstəkli qonaqlarımız üçün əlavə olaraq təşkil olunacaq Sentosa Telesferik & Ada Turu (80 EUR) proqramımıza qatılmaq imkanı mövcuddur. Sinqapurun panoramik gözəlliklərini göydən izləməyə hazır olun. Mount Faber Təpəsindən hərəkət edən telesferik xətti ilə kabinlərimizdə göyə yüksəlir və Sentosa Adasına doğru unudulmaz bir səyahətə çıxırıq. Yol boyu yaşıllıqlarla örtülü tropik meşələr, qızılı qumlu çimərliklər və masmavi Cənubi Çin Dənizi mənzərələri müşayiəti ilə Sinqapur siluetini tamam başqa bir bucaqdan izləmək fürsəti tapırıq. Sentosa Adasında həyata keçirəcəyimiz qısa panoramik tur zamanı adanın ən fotojenik nöqtələrini görür, mənzərənin və tropik atmosferin dadını çıxarırıq. Şəkil çəkdirmək, şəhəri fərqli perspektivdən kəşf etmək və unudulmaz kadrlar yaxalamaq istəyən qonaqlarımız üçün bu tur olduqca xoş bir alternativ təqdim edir. Gəzintimizin ardınca aeroporta transfer oluruq. Yerli aviaşirkət ilə həyata keçirəcəyimiz Bali uçuşumuzun ardından çatma və otelimizə transfer.
Oteldə qəbul ediləcək səhər yeməyindən sonra sərbəst vaxt. İstəkli qonaqlarımız əlavə olaraq təşkil olunacaq Balinin Qəlbi: nahar yeməkli Ubud & Kintamani Yanardağı turumuza qatala bilərlər. (95 EUR). Balinin ən gözəl nöqtələrini bir gündə kəşf etməyə hazır olun. Otelinizdən götürüldükdən sonra ilk dayanacağımız tropik təbiətin içində gizlənmiş Tegenungan Şəlaləsidir. Ardından müqəddəs bulaq suları ilə məşhur Tirta Empul Məbədində təmizlənmə rituallarına şahidlik edirik. Kintamani Yanardağı və Batur Gölü mənzərəsinə qarşı nahar yeməyimizi yeyir, yeməkdən sonra yaşıllıq mənzərəsi ilə tanınan Tegallalang Dünyü Teraslarında şəkil fasiləsi veririk. Günün davamında boz uzunquyruqlu meymunların yaşadığı Ubud Meymun Meşəsini gəzir, ardından Ubud Kral Sarayı və qarşısındakı rəngli Ubud Sənət Bazarında Balinin mədəniyyətini və əl sənətlərini yaxından tanıyırıq.
Oteldə qəbul ediləcək səhər yeməyindən sonra sərbəst vaxt. İstəkli qonaqlarımız əlavə olaraq təşkil olunacaq nahar yeməkli Məbədlərin Sirri: Taman Ayun, Ulun Danu & Tanah Lot turumuza qatala bilərlər. (90 EUR). Balinin ruhunu və mistik atmosferini ən yaxşı əks etdirən bu tam günlük turda adanın ən təsir edici məbədlərini kəşfə çıxırıq. Səhər saat 08:00-də otelinizdən götürülərək turumuza başlayırıq. İlk dayanacağımız zərif bağları və lotus Hovuzları ilə əhatə olunmuş Taman Ayun Məbədidir. Ardından dumanlar arasından gölə əks olunan görüntüsü ilə heyran edən, Balinin simvollarından biri olan Ulun Danu Beratan Məbədinə gedirik. Burada qısa bir sərbəst vaxt və göl kənarında şəkil fasiləsi veririk. Nahar yeməyimizi Bedugul bölgəsində təbiət içində bir restoranda yeyirik. Ardından Bedugulun məşhur Candikuning Meyvə Bazarında tropik meyvələrin və yerli məhsulların dadına baxmaq imkanı əldə edirik. Ləzzətli dayanacaqlardan sonra ətrilə məşhur Bali qəhvəsinin dünyasına addım atırıq; yerli qəhvə plantasiyasında qəhvə istehsalını öyrənib xüsusi dadlar sınayırıq. İstəkli qonaqlarımız dünyanın ən bahalı və maraqlı qəhvələrindən biri olan Luwak qəhvəsini burada dada bilərlər. Günün son dayanacağı isə Balinin ən simvolik mənzərələrindən biri olan Tanah Lot Məbədidir. Okean dalğalarının ortasında yüksələn bu məbəd gün batımında bənzərsiz bir mənzərə təqdim edərək turunuzu unudulmaz edir. Gəzintidən sonra aeroporta transfer oluruq. TK0067 nömrəli Türk Hava Yolları reysi ilə 21:20-də İstanbula hərəkət edirik. İstanbuldan Bakıya dönüş uçuşu. Təxminən 12 saatlıq uçuşdan sonra ertəsi səhər 05:15-də İstanbula çatırıq və ardınca Bakıya qayıdaraq turumuzu bitiririk.
Azərbaycan Respublikasının ümumvətəndaş pasportu malik şəxslər üçün müvafiq ölkələrin giriş şərtləri tətbiq olunur. Viza və giriş qaydaları dəyişə bildiyindən rezervasiya zamanı aktual tələblərin yenidən yoxlanılması tövsiyə olunur.
Vacib Məlumat Qeyd: Uşaq kateqoriyası 7-12 yaşları arasını əhatə edir. Tur bülleteni dərc olunduğu 10.08.2026 tarixində qüvvədədir. Eyni tura aid daha sonrakı tarixdə dərc olunacaq tur bülleteni əvvəlkini etibarsız edir. Məcburi əlavə xidmətlər qiymətə daxildir. İştirak Şərtləri Vasitəçilik və Məsuliyyət: Təşkilatçı tərəf hava yolu ilə sərnişin arasında vasitəçi mövqeyindədir və 28.09.1955 Haaqa Protokoluna tabedir. Uçuş saatları dəyişə bilər və bütün saatlərin hərəkət tarixlərindən 48 saat əvvəl təsdiq edilməsi tələb olunur. Təyyarənin enəcəyi şəhərə görə marşrutlarda dəyişikliklər ola bilər. Uçuş saatları haqqında bürolarımızdan və ya satış nümayəndənizdən məlumat ala bilərsiniz. Hava yolu şirkətləri tərəfindən edilə biləcək saat dəyişiklikləri və gecikmələrdən təşkilatçı tərəf məsuliyyət daşımır. Uçuş Əməliyyatları: Təyyarəli turlara qoşulan şəxslərin qeydiyyat və minmə əməliyyatları şəxsi məsuliyyətlərindədir və uçuşdan əvvəl aeroportda hava yolu kontuarlarında və ya onlayn olaraq həyata keçirilməlidir. Son dəqiqə gecikmələri və qapı dəyişiklikləri aeroportlarda səsli elan edilir və məlumat lövhələrində göstərilir. Bu məlumatların izlənilməsi vacibdir. Tura İştirak: Təşkilatçı tərəf tərəfindən bildirilən saatlərdə göstərilən aeroportda hazır bulunmayan, qeydiyyat və minmə əməliyyatlarını vaxtında etməyən və ya təyyarəyə minməyən şəxslərin uçuşu həyata keçirə bilməmələrindən təşkilatçı tərəf məsuliyyət daşımır. Təyyarəni qaçıran şəxslərin tura daxil olmaları üçün lazım olan gediş-dönüş yeni təyyarə biletləri və bölgədəki transfer xərcləri özlərinə aiddir. Proqram və Yemək: Proqramlarda göstərilən gəzintilər məcburi səbəblərdən göstərilən günlərdən başqa günlərdə edilə bilər. Proqrama daxil nahar və şam yeməkləri lazım görüldükdə və ya uçuş saatlarındakı dəyişikliklər səbəbi ilə agentliyin təyin etdiyi restoranlarda verilə bilər. Panoramik şəhər turları şəhərlərin tanitimi üçün təşkil olunan 2-3 saat müddətli turlardır. Şəhər turları və əlavə turlar məzmunu dəyişməmək şərtilə fərqli günlərdə təşkil edilə bilər. Əlavə tur qiymətləri məzmun və iştirakçı sayına görə dəyişə bilər. Turun Keçirilməməsi: Panoramik turlar və digər proqram turları yerli hakimiyyət orqanları tərəfindən gəzilməsinə icazə verilməyən və ya bağlı yollar səbəbindən baş tutmaya bilər. Hava şəraiti səbəbi ilə turun edilməsi qeyri-mümkün hala gəldiyi hallarda bu turların edilməməsindən təşkilatçı tərəf məsuliyyət daşımır. Bağlı yollar və ya avtomobil girişinə icazə verilməyən nöqtələrdə ictimai nəqliyyatla və ya piyada olaraq həyata keçirilə bilər. Əlavə Turlar: Proqramda əlavə olaraq göstərilən gəzintilər kifayət qədər iştirak olmadıqda baş tutmaya bilər. Yol üstündəki əlavə turlar bütün sərnişinlərin iştirakı olmadan da həyata keçiriləcəkdir. Qatılmayan qonaqlar bələdçi tərəfindən istirahət sahələrinə yönləndiriləcəkdir. Yol üzrə əlavə turlara qatılmayan sərnişinlər dayanacaq yerində gözləməyi qəbul edərək tura qatılmış sayılırlar. Şəxsi Əşyalar: Tura qoşulan şəxslərin şəxsi əşyaları, çantaları və valizləri öz məsuliyyətlərindədir. Unudulan, itən və ya oğurlanan əşyaların tapılması vəziyyətində ölkəyə və ya şəxsə çatdırılması zamanı edilən xərclər əşya sahibinə aiddir. Otel və Gecələmə: Təşkilatçı tərəf otel adlarını dəyişdirmək hüququnu özündə saxlayır. 3 nəfərlik otaqlarda əlavə çarpayı tətbiqi ola bilər və bu çarpayılar açılıb-bağlanan çarpayılardan ibarət ola bilər. Buna görə də 3-cü şəxs və/və ya uşaq rezervasiyalarında otaqlarda yaşana biləcək sıxışıqlıq və çarpayı tipi qəbul edilmiş sayılacaqdır. Qiymət siyahısında göstərilən uşaq qiymətləri uşağın iki böyüklə yanaşı qalması vəziyyətində qüvvədədir. Otellərdə təqdim olunan kontinental səhər yeməyi kərə yağı, mürəbbə və ya bal, çörək, çay və ya qəhvə ilə meyvə suyundan ibarətdir. Qrup səhər yeməkləri ayrı bir salonda servis edilə bilər. Sığorta və Sağlamlıq: İştirakçıların səyahət zamanı yanlarında səyahət sığortalarını saxlamaları tələb olunur. Tura iştirak zamanı sağlamlıq problemləri, hamiləlik vəziyyəti və davamlı istifadədə olan dərmanlarla bağlı arayışların yanınızda saxlanması məcburidir. Digər Qeydlər: Turlar başqa agentlik turları ilə birləşdirilə bilər. Bu halda qonaqlar təşkilatçı tərəfin məsuliyyətindədir. Yüksək tələbat olan dövrlərdə (sərgilər, konqreslər, konsertlər, tədbirlər, idman turnirləri və s.) otellər göstərilən kilometrlərdən daha çox məsafədə ola bilər. Belə hallarda turun hərəkət tarixindən 15 gün əvvəl məlumat veriləcəkdir. 18 yaş altı uşaqların ana və ya atasından biri və ya hər ikisi ilə birlikdə tura qatılmadıqları hallarda razılıq məktublarının səyahət zamanı yanlarında saxlanması tələb olunur. Pasport etibarlılıq tarixi: Xaricə səyahət edəcək bütün sərnişinlərimizin mövcud pasportlarının ilk verilmə tarixi 10 ildən köhnə olmamalıdır. Həmçinin səyahət bitməsi etibarilə etibarlılıq müddətlərinin 6 ay olması lazımdır. Pasportunu yeniləyəcək qonaqlarımız satın alma zamanı qüvvədə olan pasport məlumatı vermədiyi təqdirdə sonrakı günlərdə cari pasport məlumatlarını satın aldığı kanal vasitəsilə paylaşmaqla öhdəlik daşıyır. Ləğvetmə və Geri qaytarılma Şərtləri: Aşağıdakı məlumatlar çərçivəsində tur rezervasiyanızı ləğv etmədən əvvəl müqavilədə göstərilən şərtləri və varsa cəza məbləğlərini diqqətlə nəzərdən keçirmənizdə fayda var. Ləğvetmə Hüququ: Turun hərəkət tarixindən 30 gün əvvəlcəyə qədər şərtsiz ləğv etmə hüququnuz mövcuddur. 30-20 gün arasında 50% cərimə ilə, 19-10 gün altında isə 75% cərimə ilə, 9-0 gün altında isə 95% cərimə ilə ləğvetmə əməliyyatı həyata keçirilə bilər. İştirakın Az olması: Əgər səyahətdə kifayət qədər iştirak təmin edilməzsə, agentlik səyahətin hərəkət tarixindən 20 gün əvvəl ləğv bildirişi edə bilər. Bu halda ləğv məlumatı tərəfinizə çatdırılacaqdır. 30 gündən az müddətdə tərəfinizdən ediləcək ləğvlərdə müqavilədə göstərilən ləğv şərtləri qüvvədə olacaqdır.
Ödənişli və Ödənişsiz Xidmətlər QİYMƏTƏ DAXİL OLAN XİDMƏTLƏR Türk Hava Yolları ilə İstanbul – Kuala Lumpur / Bali – İstanbul gediş-dönüş ekonom sinif təyyarə bileti (30 kq baqaj + əl baqajı) Yerli aviaşirkətlərlə ekonom sinif beynəlxalq təyyarə bileti (20 kq baqaj + əl baqajı) Kuala Lumpur – Phuket / Phuket – Sinqapur / Sinqapur – Bali Kuala Lumpur (1) – Phuket (3) – Sinqapur (1) – Bali (2) 4 ulduzlu otellərdə gecələmə 7 gecə gecələmə Otellərdə veriləcək səhər yeməkləri Proqramda göstərilən bütün şəhər turları və transferlər Peşəkar bələdçi xidmətləri Yerli bələdçi xidmətləri Məcburi Paket Tur Məsuliyyət Sığortası. QİYMƏTƏ DAXİL OLMAYAN XİMDƏTLƏR Ölkəxarici çıxış rüsumu Nahar və şam yeməkləri Əlavə turlar Artıq baqaj haqqları Yerli xidmət təminatçılarının xidmət haqqı (tövsiyə olunan adambaşı 75 EUR) Səyahət Mühafizə Paketi Səyahət Mühafizə Paketi Qiymət Təfərrüatları: 1. Mərhələ Adambaşı Tur qiyməti: 0 — 1.500 EUR-dək olan tur qiymətlərində satış qiyməti: 25 EUR / Əlavə premiya tətbiqi (70 yaşdan yuxarı qonaqlar üçün) X 2 qiymətdir. 2. Mərhələ Adambaşı Tur qiyməti: 1.501 EUR – 2.500 EUR-dək olan tur qiymətlərində satış qiyməti: 35 EUR / Əlavə premiya tətbiqi (70 yaşdan yuxarı qonaqlar üçün) X 2 qiymətdir. Digər Tur Məlumatları Otellər: 4 ulduzlu otellər və s. Nümunə Otel Məlumatları: Kuala Lumpur: 4 ulduzlu Mercure Shaw Parade və s. / 4 ulduzlu Santa Grand Signature və s. / 4 ulduzlu Bintang Collectionz və s. Phuket: 4 ulduzlu Best Western Patong Beach və s. / Patong Bay Residence və s. / Pearl Hotel və s. Sinqapur: 4 ulduzlu Holiday Inn Express & Suites və s. / 4 ulduzlu Hotel Mi Rochor və s. / 4 ulduzlu Mercure Tyrwhitt və s. Bali: 4 ulduzlu Marriott Kuta Sunset Road və s. / 4 ulduzlu Mercure Kuta və s. / 4 ulduzlu Hilton Garden Inn və s. Uçuş Məlumatları: 18 aprel 2026: TK 62 (İST→KUL) 18:00 → 19 aprel 09:10, TK 67 (DPS→İST) 21:20 → 27 aprel 05:15. 24 may 2026: TK 62 (İST→KUL) 18:00 → 25 may 09:10, TK 67 (DPS→İST) 21:20 → 2 iyun 05:15. 07 noyabr 2026: TK 62 (İST → KUL) 18:00 → 8 noyabr 2026 09:10, TK 67 (DPS → İST) 15 noyabr 2026 21:20 → 16 noyabr 2026 05:15. 04 dekabr 2026: TK 62 (İST → KUL) 18:00 → 5 dekabr 2026 09:10, TK 67 (DPS → İST) 12 dekabr 2026 21:20 → 13 dekabr 2026 05:15. Qalxış və eniş saatları yerli saatlardır. Əlavə Turlar: Sərfəli Əlavə Tur paketi: 555 EUR əvəzinə 500 EUR. Batu Mağaraları Turu – Kuala Lumpur – 50 EUR. Ceyms Bond Adası Turu (Nahar yeməkli) – Phuket – 85 EUR. Phi Phi Adası Turu (Nahar yeməkli) – Phuket – 85 EUR. Gecə İşıq Şouları Turu – Sinqapur – 70 EUR. Sentosa Telesferik & Ada Turu – Sinqapur – 80 EUR. Balinin Qəlbi: Ubud & Kintamani Yanardağı Turu (Nahar yeməkli) – Bali – 95 EUR. Məbədlərin Sirri: (Nahar yeməkli) – Bali – 90 EUR. 6 – 11 Yaş Uşaq: 555 EUR əvəzinə 350 EUR. 0 – 5 Yaş Uşaq: Ödənişsiz. Turlar tək-tək alınarsa, 6–11 yaşlı uşaqlar üçün endirimsiz qiymət üzərindən 30% endirim tətbiq olunur.
7 noyabr 2026 – 15 noyabr 2026 tarixli turun mövcudluğunu satış əməkdaşımızla dəqiqləşdirin.