Böyük Benilüks, Paris, Elzas və İsveçrə Turu Pegasus Hava Yolları ilə – 6 gecə

Səhər yeməyindən sonra Elzas bölgəsinin incisi sayılan Kolmar şəhərinə yola düşürük. Nağılvari arxitekturası, kanalları və tarixi evləri ilə məşhur olan Kolmarda gəzinti turumuzu reallaşdırırıq. Ardınca Avropanın mühüm siyasi mərkəzlərindən biri və Elzasın paytaxtı Strasburqa hərəkət edirik. Strasburq Kafedralı və tarixi Petite France məhəlləsini ziyarət etdikdən sonra Mets / Tionvil bölgəsindəki otelimizə transfer olunuruq. Gecələmə oteldə.

Səhər yeməyindən sonra Avropa İttifaqının sərhədsiz zona müqaviləsinin imzalandığı tarixi Şengen kəndinə baş çəkirik. Daha sonra Lüksemburq Hersoqluğunun paytaxtı Lüksemburq şəhərinə hərəkət edirik. Qaya üzərində ucalan bu tarixi şəhərdə panoramik tur keçirildikdən sonra Fransanın paytaxtı Parisə tərəf yola düşürük. Parisə çatdıqdan sonra otelə yerləşmə. Gecələmə oteldə.

Səhər yeməyindən sonra Paris şəhər turumuz başlayır. Yelisey Tarlaları, Zəfər Tağı, Konkord Meydanı, Luvr Muzeyinin xarici görünüşü və Eyfel Qülləsi mənzərəsi ilə tanışlıq. Daha sonra incəsənət adamlarının məskəni sayılan Monmartr təpəsinə funikulyorla qalxırıq və Sakre-Ker Bazilikasını ziyarət edirik. Günün davamında Sen çayında qayıq turu ilə Parisin tarixi körpülərini və binalarını sudan izləyirik. Turdan sonra otelə dönüş. Gecələmə oteldə.

Səhər yeməyindən sonra Belçikaya doğru yola düşürük. İlk dayanacağımız Şimalın Venesiyası adlandırılan, kanalları və orta əsr arxitekturası ilə məşhur Brügge şəhəri olacaq. Brügge gəzintisindən sonra Belçikanın və Avropa İttifaqının paytaxtı Brüsselə hərəkət edirik. Qrand Plas meydanı, Manneken Pis (İşəyən oğlan) heykəli və Atomium binalarını əhatə edən şəhər turundan sonra otelimizə yerləşirik. Gecələmə oteldə.

Səhər yeməyindən sonra Niderlanda yola düşürük. Əvvəlcə ənənəvi taxta evləri və balıqçı limanı ilə tanınan Folendam kəndini ziyarət edirik. Burada yerli mədəniyyətlə tanış olduqdan sonra kanalları, velosiped mədəniyyəti və azad ruhu ilə məşhur Amsterdam şəhərinə keçirik. Dam meydanı, Kral Sarayı və şəhər mərkəzini əhatə edən turdan sonra otelə transfer. Gecələmə oteldə.

Səhər yeməyindən sonra sərbəst vaxt. Hava limanı transfer saatına uyğun olaraq Amsterdam Schiphol Hava Limanına yola düşürük. Pasport, baqaj və bilet əməliyyatlarından sonra Pegasus Hava Yollarının PC1258 reysi ilə saat 18:30-da İstanbula uçuş. Saat 22:55-də İstanbul Sabiha Gökçen Hava Limanına çatma və ardından İstanbuldan Bakıya dönüş uçuşu.