Səhranın zərifliyi və Mərakeşin simvolları – Pegasus Airlines ilə 7 gecə

Oteldə səhər yeməyindən sonra qırmızı şəhər Marrakeşdə tam günlük gəzintiyə çıxırıq. Koutoubia minarəsini və küçə tamaşaları, ilan oynadanlar və açıq hava restoranları ilə tanınan, Afrikanın ən böyük meydanlarından biri olan Camaa əl-Fna meydanını panoramik şəhər turu zamanı görəcəyik. Ölkəyə xas kaşılarla bəzədilmiş Bahia sarayı da ziyarət edəcəyimiz yerlərdəndir. Marrakeş uzun illər Avropalı modelyerlərin, sənətçilərin, musiqiçilərin və səyyahların diqqətini cəlb edib; Afrikada ticarətin mühüm mərkəzi olduğu üçün qitənin rəngarəngliyini özündə birləşdirir. Şəhərin qədim məhəlləsində orta əsrlərdən qalma həyat ənənələri bu gün də yaşadılır. Daha sonra Yves Saint Laurent-in bağı kimi tanınan Jardin Majorelle-ə gedirik. Bağda nadir bitkiləri görmək və fotoşəkil çəkmək imkanı olacaq. Gəzintidən sonra otelə transfer və sərbəst vaxt. Şam yeməyi və gecələmə oteldə. Yemək tövsiyəsi: Menşui (quzu təndiri) və ya Tanjia (gil qabda bişirilən ət yeməyi). Alış-veriş tövsiyəsi: Mərakeşə xas ədviyyatlar, bitki mənşəli məhsullar və həsir çantalar.

Oteldə səhər yeməyindən sonra UNESCO-nun Dünya İrsi siyahısında yer alan Essaouira şəhərinə yola düşürük. Atlantik okeanının sahilində yerləşən bu şəhər incəsənətlə qədim mədəniyyətin qovuşduğu keçmiş Portuqaliya limanıdır; Mogador adı ilə də tanınır. Orson Welles-in “Otello” filmi və “Game of Thrones” serialı da daxil olmaqla, bir çox ekran əsəri burada çəkilib. Yəhudi məhəlləsi Mellah, Portuqaliya qalası, mavi qayıqları ilə məşhur balıqçı limanı və bir-birini düz bucaq altında kəsən küçələri ilə seçilən köhnə şəhər mərkəzində gəzintidən sonra Marrakeşdəki otelə qayıdırıq. Dincəlmək üçün sərbəst vaxt. Şam yeməyi və gecələmə oteldə. Marşrut: Essaouira – Marrakeş, 175 km (3 saat). Yemək tövsiyəsi: Təzə dəniz məhsulları və balıq. Alış-veriş tövsiyəsi: Mərakeş arqan yağı və arqan əsaslı kosmetik məhsullar.

Oteldə səhər yeməyindən sonra otaqları boşaldır və Varzazata yola düşürük. Marşrutumuz üzərində “Çağrı”, “Nilin ləl-cəvahiratı”, “Mumiya”, “Qladiator”, “Böyük İsgəndər”, “Babil” filmləri və “Game of Thrones” serialı üçün çəkiliş meydançası olmuş Ait Benhaddou və Hollivud film studiyaları yerləşir. Ait Benhaddou qəsəbəsində nahar fasiləsindən sonra axşamüstü bir çox Hollivud filminə ev sahibliyi etmiş Varzazat şəhərindəki otelə çatırıq. Şam yeməyi və gecələmə oteldə. Marşrut: Marrakeş – Ait Benhaddou – Varzazat, 215 km (4 saat). Yemək tövsiyəsi: Quzu qovurması və Mərakeş salatı. Alış-veriş tövsiyəsi: Mərakeşə xas keramika və saxsı qablar.

Oteldə səhər yeməyindən sonra Tinghirə yola düşürük. Günümüz yol mənzərələri ilə keçəcək: yolun bir tərəfində səhra, digər tərəfində Atlas dağları uzanacaq. Su kanalları, Todra vadisi və gül şəhəri kimi tanınan M’Gouna dayanacaqlarımız arasındadır. Daha sonra Merzuqa səhrasına çataraq yerləşəcəyimiz məkana köçürük. Şam yeməyindən sonra ulduzlarla dolu səmanın altında yaddaqalan anlar yaşayırıq. Səhər günçıxımını izləməyi və mənzərələri fotoşəkilləməyi tövsiyə edirik. Gecələmə düşərgədə. Marşrut: Varzazat – Tinghir, 175 km (2 saat 30 dəqiqə); Tinghir – Merzuqa (Sahara səhrası), 200 km (3 saat). Yemək tövsiyəsi: Mərakeş üsulu kuskus və ya ətli, yaxud toyuqlu tajin. Alış-veriş tövsiyəsi: Fosil nümunələri, gül suyu, gül ətirli kosmetik məhsullar və bərbərlərə xas xalçalar.

Səhradakı yerləşmə yerimizdə günçıxımı izləyərək oyanırıq. Arzu edən qonaqlar səhrada dəvə safarisində iştirak edə bilərlər. Səhər yeməyindən sonra İfrana yola düşürük. Yolüstü Midelt qəsəbəsində yerli restoranda nahar fasiləsi verilir və Ziz vadisinin mənzərələrini fotoşəkilləmək imkanı olur. Ardınca Atlas dağlarında yerləşən İfrana gedirik. Xizək mərkəzi və İsveçrə üslublu memarlığı ilə seçilən İfran Mərakeşin “kiçik İsveçrəsi” adlandırılır. Burada qəhvə fasiləsindən sonra Fesdəki otelə transfer və dincəlmək üçün sərbəst vaxt. Şam yeməyi və gecələmə oteldə. Marşrut: Merzuqa (Sahara səhrası) – İfran, 400 km (6 saat); İfran – Fes, 70 km (1 saat). Yemək tövsiyəsi: Mideltdə alabalıq və alma piroqu. Alış-veriş tövsiyəsi: Dəri və keramika məmulatları.

Oteldə səhər yeməyindən sonra Fesin qədim şəhər məhəlləsini – medinanı kəşf edirik. Kral sarayının monumental Bab-el Makhzen qapısı və onun ətrafındakı Mellah yəhudi məhəlləsində gəzintidən sonra tarixi medinanın labirintə bənzəyən küçələrini dolaşırıq. Attarine mədrəsəsi, Karaouine Universiteti, Nejarine meydanı, Mərakeşə xas zinət əşyaları və mis məmulatları satılan bazar, eləcə də Fes çayının yaxınlığında ənənəvi üsulla dəri emalının davam etdiyi dabbaqxana görəcəyimiz yerlərdəndir. Daha sonra Mərakeşdən kənarda da şöhrət qazanmış Mavi şəhər Şafşavana yola düşürük. Mavi rəngli, dolanbac küçələrdə gəzintidən sonra alış-veriş üçün sərbəst vaxt verilir. Bələdçinin bildirdiyi vaxtda görüşüb Şafşavandakı otelə transfer olunur və dincəlmək üçün sərbəst vaxt alırıq. Şam yeməyi və gecələmə oteldə. Marşrut: Fes – Şafşavan, 200 km (3 saat 45 dəqiqə). Yemək tövsiyəsi: Mərakeşə xas nanə çayı.

Oteldə səhər yeməyindən sonra ölkənin paytaxtı Rabata yola düşürük. Evkalipt və Portuqaliya mantar palıdı meşələri ilə əhatə olunan Rabat, Bou Regreg çayının sahilində yerləşir. Sürgündəki kralın ölkəyə qayıdışını bu şəhərdən elan etməsindən sonra paytaxt olan Rabatda Kasbah Oudaya, Həsən qülləsi və V Məhəmməd mavzoleyini görürük. Daha sonra Kazablankaya transfer olunur. Şəhər İkinci Dünya müharibəsi dövründə aparılan danışıqlar və casusluq fəaliyyətləri, eləcə də həmin dövrü əks etdirən məşhur “Kazablanka” filmi ilə tanınır. Bu gün Afrikanın və ölkənin ən böyük limanlarından birinə sahib sənaye şəhəridir. Kazablankada V Məhəmməd meydanını, panoramik şəkildə Həsən II məscidini və canlı Korniş sahil bulvarını görəcəyik. Gəzintidən sonra hava limanına transfer. Marşrut: Şafşavan – Rabat, 260 km (4 saat 30 dəqiqə); Rabat – Kazablanka, 90 km (1 saat 30 dəqiqə).

Baqaj təhvili, qeydiyyat və minik prosedurlarından sonra Pegasus Airlines-ın müntəzəm reysi ilə İstanbula uçuruq. Sabiha Gökçen Hava Limanına çatdıqdan sonra tur və xidmətlər başa çatır. İstanbuldan Bakıya dönüş uçuşu.