Cənubi Afrika, Botsvana və Viktoriya Şəlalələri (Keyptaun – Yohannesburq) marşrutu üzrə məlumat almaq və dərhal rezervasiya etmək üçün müraciət edə bilərsiniz.
Bakıdan İstanbula uçuş və əsas tur proqramına qoşulma. İstanbul hava limanından Türk Hava Yollarının TK44 reysi ilə saat 01:45-də Keyptauna yola düşürük. Yerli vaxtla 11:50-də Keyptauna çatma. Hava limanında qarşılanma və Keyptaun şəhər turu. Turdan sonra otelə transfer. Gecələmə oteldə.
Səhər yeməyindən sonra nahar yeməkli Ümid Burnu (Cape of Good Hope) turuna yollanırıq. Təbiət mənzərələri və bölgəyə xas olan təbiət həyatını izləmə imkanı əldə edirik. Turun sonunda otelə qayıdış. Gecələmə oteldə.
Səhər yeməyindən sonra hava limanına transfer. Yerli aviaşirkətlə Zimbabveyə (və ya Zambiyaya) daxili uçuş həyata keçirilir. Çatdıqdan sonra otelə transfer olunuruq. Daha sonra məşhur Zambezi çayında qayıq turu təşkil edilir. Gecələmə oteldə.
Səhər yeməyindən sonra təbiətin ən möhtəşəm möcüzələrindən biri olan Viktoriya Şəlalələri turuna başlayırıq. Şəlaləni və ətrafdakı mənzərələri kəşf etdikdən sonra sərbəst vaxt verilir. Gecələmə oteldə.
Səhər yeməyindən sonra Botsvana ərazisində yerləşən məşhur Çobe Milli Parkında quru və çay safarisi həyata keçiririk. Vəhşi təbiəti, filləri və bölgəyə xas olan digər canlıları öz təbii mühitlərində yaxından izləmək fürsəti əldə edirik. Safari bitdikdən sonra otelə qayıdış. Gecələmə oteldə.
Səhər yeməyindən sonra hava limanına transfer və Yohannesburqa daxili uçuş həyata keçirilir. Yohannesburqa çatdıqdan sonra şəhər turu təşkil olunur. Turdan sonra otelə transfer. Gecələmə oteldə.
Səhər yeməyindən sonra asudə vaxt, daha sonra hava limanına transfer. Türk Hava Yollarının TK43 reysi ilə saat 17:55-də İstanbula uçuş. Səhər saat 04:40-da İstanbula çatma. İstanbuldan Bakıya dönüş uçuşu.
Cənubi Afrika Respublikası: Azərbaycan vətəndaşları üçün viza tələb olunur və səfərdən əvvəl rəsmiləşdirilməlidir. Həmçinin ölkəyə girişdən maksimum 1 gün əvvəl xüsusi elektron giriş forması (SARS) doldurulmalıdır. Botsvana, Zimbabve və Zambiya: Azərbaycan vətəndaşları üçün elektron viza (eVisa) rəsmiləşdirilməsi mümkündür. Pasportların etibarlılıq müddəti ən azı 6 ay olmalı və içində viza stikerləri/möhürləri üçün ən azı 5 boş səhifə mütləq olmalıdır. Boş səhifələrdə mürəkkəb ləkələrinin olmamasına diqqət edilməlidir. Viza və giriş qaydaları dəyişə bildiyindən rezervasiya zamanı aktual tələblərin yenidən yoxlanılması tövsiyə olunur.
Uşaq kateqoriyası 7-12 yaş arasındadır. Tur təşkilatçısı hava yolu şirkəti ilə sərnişin arasında vasitəçi rolunu oynayır. Uçuş saatları dəyişə bilər və yola düşmədən 48 saat əvvəl mütləq təsdiqlənməlidir. Hava yolu şirkətləri tərəfindən edilə biləcək saat dəyişikliklərinə və gecikmələrə görə tur operatoru məsuliyyət daşımır. Uçağın enəcəyi şəhərə görə marşrutlarda dəyişikliklər ola bilər.
Qeydiyyat (check-in) və minik (boarding) əməliyyatları sərnişinlərin şəxsi məsuliyyətindədir. 18 yaşdan aşağı uşaqlar üçün xüsusi xəbərdarlıq: Cənubi Afrikaya giriş qaydalarına əsasən, 18 yaşından kiçik bütün ziyarətçilərdən ingilis dilinə tərcümə olunmuş və təsdiqlənmiş doğum haqqında şəhadətnamə tələb olunur. Uşaq yalnız bir valideynlə səyahət edirsə, digər valideynin notarial qaydada təsdiqlənmiş razılıq ərizəsi (muvafiqatnamə) mütləq şəkildə təqdim edilməlidir. Bu sənədlərin eksikliyi halında uçuşa və ya ölkəyə girişə icazə verilmir.
Nümunə Otellər: Keyptaun - 4 ulduzlu Sky Hotel Cape Town və s. Zimbabve - 4 ulduzlu Mopani Lodge Victoria Falls / 3 ulduzlu Victoria Falls Premier Lodge və s. Yohannesburq - 4 ulduzlu Sky Hotel Sandton və s.
Uçuş Müddətləri: İstanbul – Yohannesburq təxminən 9 saat 35 dəqiqə, Keyptaun – İstanbul isə təxminən 10 saat 20 dəqiqədir.
Pul Vahidi: Cənubi Afrikanın pul vahidi Cənubi Afrika Randıdır (ZAR). Özünüzlə ABŞ dolları (USD) da götürə bilərsiniz, lakin dollar əsginaslarının 2000-ci il və sonrasında buraxılmış olması mütləqdir. Əks halda valyuta dəyişmə məntəqələri pulu daha aşağı məzənnə ilə dəyişdirə bilər.
Saat Qurşağı: Azərbaycan vaxtı ilə fərq mövcuddur, Cənubi Afrika vaxtı adətən daha geridədir.
Sağlamlıq: Cənubi Afrikaya girişdə hər hansı məcburi peyvənd tələbi yoxdur. Səyahət boyunca kran suyundan istifadə etməmək və yalnız qablaşdırılmış su içmək tövsiyə olunur.
Elektrik: Cənubi Afrikada elektrik gərginliyi 220/230 voltdur və M tipli üçlü yuvarlaq qalın prizlərdən istifadə olunur.
Geyim: Asan geyinilib çıxarıla bilən, mövsümə uyğun (gödəkcə, sviter və s.) geyimlər götürməyiniz məsləhətdir.
Qida Mədəniyyəti: Cənubi Afrikada Malayziya və Avropa mətbəxindən təsirlənmiş zəngin qarışıq mətbəx mədəniyyəti var. Təzə tərəvəz və meyvələr geniş istifadə olunur.
29 avqust 2026 – 4 sentyabr 2026 tarixli turun mövcudluğunu satış əməkdaşımızla dəqiqləşdirin.