Komfort Yaponiya Turu – Türk Hava Yolları ilə 7 gecə (Osaka gediş – Tokyo dönüş) əlavə turlar daxil marşrutuna dair məlumat almaq və rezervasiyanızı dərhal etmək üçün klikləyin!
Bakıdan İstanbula uçuş və əsas tur proqramına qoşulma. İstanbul Hava Limanı xarici xəttlər gediş terminalında bilet və baqaj əməliyyatlarımızı tamamladıqdan sonra Türk Hava Yolları-nın TK86 saylı reysi ilə saat 02:00-da Osaka istiqamətində yola düşürük. Gecələmə uçuşda keçir.
Yerli vaxtla saat 18:55-də Osakaya çatma. Pasport və baqaj əməliyyatlarından sonra bizi gözləyən xüsusi avtobusumuzla otelimizə transfer olunuruq. Gecələmə oteldə.
Səhər yeməyindən sonra Osaka və Nara şəhər turu üçün hərəkət edirik. Bu gün ərzində Osaka qaləsi, Todaiji məbədi və məşhur Nara maral parkını ziyarət edəcəyik. Daha sonra Osakanın hərəkətli bölgələri olan Dotonbori və Shinsaibashi-də gəzinti həyata keçirilir. Turdan sonra otelə transfer. Gecələmə oteldə.
Səhər yeməyindən sonra Kyoto şəhər turuna yola düşürük. Turumuz zamanı Arashiyama bambuk meşəsi, Kinkakuji məbədi, Kiyomizu-Dera və minlərlə qırmızı qapısı ilə məşhur olan Fushimi İnari ziyarət ediləcək. Şəhər turundan sonra Osakaya qayıdış və otelə transfer. Gecələmə oteldə.
Səhər yeməyindən sonra oteldən çıxış edirik və sürətli qatarla Tokyo şəhərinə hərəkət edirik (Böyük çamadanlar birbaşa Tokyodakı otelə göndəriləcəyi üçün yanınızda yalnız əl baqajı götürməyiniz xahiş olunur). Tokyoya çatdıqdan sonra şəhərdə sərbəst vaxt. Daha sonra otelə transfer. Gecələmə oteldə.
Səhər yeməyindən sonra Tokyo şəhər turuna başlayırıq. Gəzintimiz çərçivəsində Akihabara, Yodobashi, məşhur Shibuya piyada keçidi, sadiqliyi ilə tanınan Hachiko heykəli və lüks alış-veriş mərkəzi olan Ginza bölgəsini kəşf edəcəyik. Turdan sonra otelə transfer. Gecələmə oteldə.
Səhər yeməyindən sonra Fuji dağı, Hakone və Ashi gölü ziyarəti üçün yola düşürük. Tur çərçivəsində təbiət mənzərələri ilə yanaşı Oshino Hakkai və Gotemba Outlet də ziyarət olunacaq. Günün sonunda Tokyoya qayıdış və otelə transfer. Gecələmə oteldə.
Səhər yeməyindən sonra oteldən çıxış edib hava limanına transfer olunuruq. Türk Hava Yolları-nın TK51 saylı reysi ilə saat 10:15-də İstanbula dönüş uçuşu. Saat 17:50-də İstanbul Hava Limanına çatma və ardından İstanbuldan Bakıya dönüş uçuşu.
Azərbaycan Respublikasının ümumvətəndaş pasportuna malik şəxslər Yaponiyaya səyahət etmək üçün əvvəlcədən viza almalıdırlar. Viza müraciəti Yaponiyanın Azərbaycandakı səfirliyinə edilir. Pasportun etibarlılıq müddəti səfər bitdikdən sonra ən azı 6 ay olmalıdır. Həmçinin Yaponiyaya giriş edəcək bütün qonaqlar səyahətdən əvvəl 'Visit Japan Web' sistemi üzərindən qeydiyyatdan keçərək pasport və uçuş məlumatlarını sistemə yükləməlidirlər. Viza və giriş qaydaları dəyişə bildiyindən rezervasiya zamanı aktual tələblərin yenidən yoxlanılması tövsiyə olunur.
Uşaq kateqoriyası 7-12 yaş arasındadır. Uçuş saatləri dəyişə bilər və bütün saatlərin yola düşmə tarixlərindən 48 saat əvvəl təsdiq edilməsi tələb olunur. Təyyarənin enəcəyi şəhərə görə marşrutlarda dəyişikliklər ola bilər. Uçuş saatləri barədə satış nümayəndənizdən məlumat ala bilərsiniz. Aviaşirkətlər tərəfindən edilə biləcək saat dəyişiklikləri və gecikmələrə görə tur operatoru məsuliyyət daşımır. Uçuşlu turlara qatılan şəxslərin qeydiyyat (check-in) və təyyarəyə minik (boarding) əməliyyatları şəxsi məsuliyyətlərindədir və uçuşdan əvvəl hava limanında və ya onlayn olaraq həyata keçirilməlidir. Son dəqiqə gecikmələri və qapı dəyişiklikləri hava limanlarında elan olunur, bu məlumatların izlənilməsi zəruridir. Bildirilən saatlarda hava limanında olmayan və qeydiyyatı vaxtında etməyən şəxslərin uçuşu həyata keçirə bilməməsindən tur operatoru məsuliyyət daşımır. Uçağı qaçıran şəxslərin tura qoşulması üçün lazımi gediş-dönüş yeni aviabilet və transfer xərcləri özlərinə aiddir. Proqramlarda qeyd olunan gəzintilər məcburi səbəblərdən başqa günlərdə həyata keçirilə bilər. Turun keçirilməsi hava şərtlərinə və ya yerli rəhbərliyin qərarlarına görə qeyri-mümkün olarsa, tur operatoru məsuliyyət daşımır. Tura qoşulan şəxslərin şəxsi əşyaları, çantaları və çamadanları öz məsuliyyətlərindədir. Təşkilatçı tərəf otel adlarını dəyişdirmək hüququnu özündə saxlayır. Səyahət zamanı yanınızda səyahət sığortasını saxlamağınız tələb olunur. Tura qoşularkən sağlamlıq problemləri, hamiləlik və daim istifadə edilən dərmanlarla bağlı arayışların yanınızda olması zəruridir. Pasportun etibarlılıq müddəti: Xaricə səyahət edəcək bütün qonaqlarımızın mövcud pasportlarının ilk alınma tarixi 10 ildən köhnə olmamalıdır. Həmçinin səyahət bitdikdən sonra etibarlılıq müddətləri ən azı 6 ay olmalıdır. Ləğv qaydaları: Tur yola düşmə tarixindən 30 gün əvvələ qədər şərtsiz ləğv haqqınız var. 30-20 gün arasında 50%, 19-10 gün arasında 75%, 9-0 gün qaldıqda isə 95% kəsinti ilə ləğv həyata keçirilir. Əgər turda kifayət qədər iştirakçı toplanmazsa, təşkilatçı tərəf yola düşmə tarixindən 20 gün əvvəl turun ləğvini bildirə bilər.
Yerləşmə barədə: Otellərə giriş saatları 15:00 – 17:00, çıxış saatları isə 10:00 – 12:00 arasındadır. Yaponiyadakı otellərdə standart otaq tipi adətən iki ayrı tək nəfərlik çarpayısı olan (Twin) otaqlardır. İki nəfərlik tək çarpayı tələbi otellərin müsaitliyinə bağlı olub zəmanət verilmir. Otaqların ölçüləri məhdud olduğundan, üç yetkin şəxsin eyni otaqda (Triple) qalması mümkün deyil.
Yaponiya Giriş Formaları: Yaponiyaya giriş edəcək bütün qonaqlar səyahətdən əvvəl Visit Japan Web sistemi (https://vjw-lp.digital.go.jp/en/) üzərindən qeydiyyatdan keçərək pasport və uçuş məlumatlarını sistemə yükləməlidirlər.
Baqaj haqqında: Kyoto və Tokyo arasındakı nəqliyyat zaman qazanmaq və rahatlıq təmin etmək məqsədilə sürətli qatarla həyata keçiriləcək. Bu gün qonaqlarımızın yanlarına yalnız bir gecəlik ehtiyaclarını qarşılayacaq əl baqajı almaları kifayətdir. Böyük çamadanlar oteldən təhvil alınaraq birbaşa Tokyodakı yerləşmə otelinə çatdırılacaqdır.
4 noyabr 2026 – 11 noyabr 2026 tarixli turun mövcudluğunu satış əməkdaşımızla dəqiqləşdirin.