Böyük Balkan Turu – 6 ölkə, Türk Hava Yolları ilə 6 gecə (Priştina gediş – Üsküp dönüş)

Səhər yeməyindən sonra Albaniyadan Monteneqroya keçirik. İlk olaraq tarixi Bar şəhərini panoramik olaraq görürük. Ardınca Adriatik dənizinin incisi sayılan Budva şəhərinə gəlir, tarixi köhnə şəhər (Stari Grad) hissəsini gəzirik. Sonra UNESCO-nun Ümumdünya İrsi siyahısında yer alan və möhtəşəm fiyordları ilə tanınan Kotor şəhərinə yola düşürük. Kotorda Müqəddəs Trifon katedralı, Saat qülləsi və tarixi küçələri gəzdikdən sonra Herceg Novi üzərindən Bosniya və Herseqovinaya keçirik. Trebinje şəhərini gəzdikdən sonra Medjuqorjeyə çatırıq. Otelə transfer, şam yeməyi və gecələmə oteldə.

Səhər yeməyindən sonra Blagaj bölgəsinə yola düşürük. Bura Buna çayının mənbəyində yerləşən tarixi Blagaj Təkkiəsi ilə tanınır. Təkkiə ziyarətindən sonra Bosniya və Herseqovinanın simvolu sayılan Mostar şəhərinə hərəkət edirik. Məşhur Mostar körpüsü, Qədim Çarşı və Koski Mehmet Paşa məscidini gəzdikdən sonra Konjic şəhərinə keçərək tarixi Konjic körpüsünü görürük. Günün sonunda paytaxt Sarayevoya çatırıq. Başçarşı, Qazi Xüsrev Bəy məscidi, Sebil və Latın körpüsünü əhatə edən panoramik şəhər turundan sonra milli restoranda Boşnak köftəsi dadırıq. Otelə transfer və gecələmə Sarayevoda.

Səhər yeməyindən sonra Sarayevodan ayrılaraq Serbiyanın paytaxtı Belqrada doğru yola düşürük. Mənzərəli yollarla Belqrada çatdıqdan sonra panoramik şəhər turumuz başlayır. Kalemegdan qalası, Tuna və Sava çaylarının qovuşduğu nöqtə, İstanbul qapısı, Saat qülləsi, Knez Mihailova küçəsi və Müqəddəs Sava kilsəsi gəziləcək yerlər arasındadır. Turdan sonra sərbəst vaxt verilir. Otelə transfer, şam yeməyi və gecələmə Belqradakı oteldə.

Səhər yeməyindən sonra Serbiyadan Şimali Makedoniyaya keçirik. Paytaxt Üsküpə çatdıqdan sonra panoramik şəhər turumuza başlayırıq. Vardar çayı üzərində yerləşən tarixi Daş Körpü, Makedoniya meydanı, Böyük İsgəndər heykəli, Mustafa Paşa məscidi, Müqəddəs Spas kilsəsi və Qədim Türk Çarşısı gəzilir. Axşam yerli restoranda musiqili Makedon Gecəsi proqramı və şam yeməyi təşkil olunur. Otelə transfer və gecələmə Üsküp dəki oteldə.

Səhər yeməyindən sonra təbiət möcüzəsi sayılan Matka Kanyonuna yola düşürük. Kanyon gəzintisindən sonra Tetovo (Qalkandelen) şəhərinə keçərək məşhur Alaca Məscidi ziyarət edirik. Ardınca nağılvari Ohrid şəhərinə hərəkət edirik. Ohriddə Müqəddəs Sofiya kilsəsi, Samoil qalası və qədim çarşı gəzilir. Sonra Ohrid gölünün mənbəyində yerləşən Sveti Naum kompleksinə ekskursiya edirik. Turun sonunda otelə transfer, şam yeməyi və gecələmə Ohrid bölgəsindəki oteldə.

Səhər yeməyindən sonra Resne şəhərinə yola düşürük və burada Əhməd Niyazi Paşanın sarayını xaricdən görürük. Daha sonra Bitola (Manastır) şəhərinə keçərək Şirok Sokak küçəsini və Mustafa Kamal Atatürkün təhsil aldığı Manastır Hərbi İdadisini ziyarət edirik. Tur bitdikdən sonra Üsküp Hava Limanına transfer olunuruq. Bilet, baqaj və pasport prosedurlarından sonra Türk Hava Yollarının TK1006 reysi ilə saat 20:15-də İstanbula yola düşürük. Saat 22:45-də İstanbul Hava Limanına çatma. İstanbuldan Bakıya dönüş uçuşu.