Benilüks və Paris Turu – Mühafizəkar Tur, Türk Hava Yolları ilə 6 gecə (Lüksemburg gediş – Düsseldorf dönüş)

Oteldə alınan səhər yeməyindən sonra gün boyunca Paris şəhərinin gözəlliklərini kəşf edirik. Parisin ilk salındığı yer olan Sena çayı boyunca gəmi turuna çıxırıq. Gəmi səyahəti zamanı Parisin ən möhtəşəm binalarını yaxından görəcək və məşhur körpülərin altından keçərək unudulmaz anlar yaşayacaqsınız. Turun ardınca Sit adasına keçərək Qotika memarlığının incisi sayılan 850 ildən çox tarixə malik Notr-Dam kilsəsini ziyarət edirik. Daha sonra Parisin sənət və bohem mərkəzi hesab olunan Monmartr (Rəssamlar təpəsi) məhəlləsinə qalxırıq. Funikulyor ilə təpəyə qalxdıqdan sonra şəhərə hakim nöqtədə yerləşən Sakre-Kör (Sacré-Cœur) bazilikasını ziyarət edirik. Şam yeməyi və gecələmə oteldə.

Səhər yeməyindən sonra oteldən ayrılır və Belçikaya tərəf hərəkət edirik. İlk durağımız orta əsr memarlığı, kanalları və Nağılvari atmosferi ilə tanınan Brügge şəhəridir. Brüggedə Markt meydanı, Belfry zəng qülləsi və tarixi kanallar boyunca gəzinti edirik. Ardınca Belçikanın digər tarixi şəhəri Qentə yola düşürük. Qentdə Müqəddəs Bavo kilsəsi, Qravensteen qalası və şəhər mərkəzindəki tarixi binaları ziyarət edirik. Günün sonunda Belçikanın paytaxtı Brüsselə çatırıq. Brüsseldə Qrand-Plas meydanı, Manneken Pis heykəli və Atomium kompleksi panoramik olaraq gəzilir. Şam yeməyindən sonra otelə transfer və gecələmə Brüsseldəki oteldə.

Səhər yeməyindən sonra Niderlanda yola düşürük. İlk durağımız müasir memarlığı və Avropanın ən böyük limanı ilə tanınan Rotterdam şəhəridir. Rotterdamda Kubik evlər və Erasmus körpüsünü gördükdən sonra Niderlandın inzibati mərkəzi sayılan Haaqa (Den Haag) şəhərinə keçirik. Haaqada Beynəlxalq Ədalət Məhkəməsinin yerləşdiyi Sülh Sarayı və parlament binasını (Binnenhof) xaricdən görürük. Daha sonra Niderlandın paytaxtı Amsterdama daxil oluruq. Şəhər turu çərçivəsində Dam meydanı, Kral Sarayı və məşhur kanallar gəzilir. Şam yeməyindən sonra otelə transfer və gecələmə Amsterdam bölgəsindəki oteldə.

Səhər yeməyindən sonra ənənəvi Niderland mədəniyyətini kəşf etmək üçün yola çıxırıq. İlk növbədə məşhur yel dəyirmanları, tarixi taxta evləri və başmaq emalatxanaları ilə tanınan Zaanse Schans kəndini ziyarət edirik. Burada pendir hazırlanma prosesi və ənənəvi kənd həyatı ilə tanış oluruq. Ardınca "Niderlandın Venesiyası" adlandırılan, avtomobil yolunun olmadığı və nəqliyyatın yalnız kanallarla həyata keçirildiyi nağılvari Giethoorn kəndinə yola düşürük. Giethoornda təşkil olunacaq gəmi turu ilə kanallar arasında unudulmaz gəzinti edirik. Turdan sonra Amsterdama qayıdırıq. Şam yeməyi və gecələmə oteldə.

Səhər yeməyindən sonra Lüksemburq üzərindən Almaniyanın Köln şəhərinə tərəf hərəkət edirik. Kölndə Qotika memarlığının ən möhtəşəm nümunələrindən biri sayılan məşhur Köln kafedral kilsəsini (Kölner Dom) və Reyn çayı sahilini gəzirik. Sərbəst vaxtda şəhər mərkəzində gəzinti edə bilərsiniz. Şam yeməyindən sonra otelə transfer və gecələmə Köln/Düsseldorf bölgəsindəki oteldə.

Səhər yeməyindən sonra səfərimizin son günündə sərbəst vaxt təyin olunur. Arzu edənlər şəhər mərkəzində alış-veriş edə və ya tarixi küçələrdə gəzə bilərlər. Müəyyən olunmuş vaxtda Düsseldorf Hava Limanına transfer olunuruq. Bilet, baqaj və pasport rəsmiləşdirilməsindən sonra Türk Hava Yollarının TK1528 reysi ilə saat 18:40-da İstanbula yola düşürük. Saat 23:00-da İstanbul Hava Limanına çatma. İstanbuldan Bakıya dönüş uçuşu.