Benilüks və Paris Turu – Mühafizəkar Tur (Paris gediş – Köln dönüş) Türk Hava Yolları ilə 6 gecə

Səhər yeməyindən sonra Paris şəhər turumuza davam edirik. Dünən panoramik olaraq gördüyümüz məkanları bu gün daha yaxından kəşf edirik. İlk olaraq dünyanın en böyük və məşhur muzeylərindən biri olan Luvr muzeyini ziyarət edirik. Muzeydəki nadir sənət əsərləri ilə tanış olduqdan sonra şəhər mərkəzində yürüş turu edirik. Məşhur Şanzelize prospekti, Zəfər tağı və Konkord meydanı gəziləcək yerlər sırasındadır. Günün ikinci yarısında Fransanın monarxiya tarixinin ən ehtişamlı saraylarından biri olan Versal sarayına yola düşürük. Sarayın dəbdəbəli zallarını və geniş bağlarını gəzdikdən sonra şəhərə qayıdırıq. Akşam yeməyi yerli restoranda təşkil olunacaq. Turdan sonra otelə transfer və gecələmə Parisdəki oteldə.

Səhər yeməyindən sonra oteldən ayrılır və Belçikaya tərəf hərəkət edirik. İlk durağımız orta əsr memarlığı, kanalları və nağılvari atmosferi ilə məşhur olan Brügge şəhəridir. Brüggedə Markt meydanı, Belfry zəng qülləsi və tarixi kanallar boyunca gəzinti edirik. Ardınca Belçikanın digər tarixi şəhəri Qentə yola düşürük. Qentdə Müqəddəs Bavo kilsəsi, Qravensteen qalası və şəhər mərkəzindəki tarixi binaları ziyarət edirik. Günün sonunda Belçikanın paytaxtı Brüsselə çatırıq. Brüsseldə Qrand-Plas meydanı, Manneken Pis heykəli və Atomium kompleksi panoramik olaraq gəzilir. Şam yeməyindən sonra otelə transfer və gecələmə Brüsseldəki oteldə.

Səhər yeməyindən sonra Niderlanda yola düşürük. İlk durağımız müasir memarlığı və Avropanın ən böyük limanı ilə tanınan Rotterdam şəhəridir. Rotterdamda Kubik evlər və Erasmus körpüsünü gördükdən sonra Niderlandın inzibati mərkəzi sayılan Haaqa (Den Haag) şəhərinə keçirik. Haaqada Beynəlxalq Ədalət Məhkəməsinin yerləşdiyi Sülh Sarayı və parlament binasını (Binnenhof) xaricdən görürük. Daha sonra Niderlandın paytaxtı Amsterdama daxil oluruq. Şəhər turu çərçivəsində Dam meydanı, Kral Sarayı və məşhur kanallar gəzilir. Şam yeməyindən sonra otelə transfer və gecələmə Amsterdam bölgəsindəki oteldə.

Səhər yeməyindən sonra traditional Hollandiya mədəniyyətini kəşf etmək üçün yola çıxırıq. İlk növbədə məşhur yel dəyirmanları, tarixi taxta evləri və başmaq emalatxanaları ilə tanınan Zaanse Schans kəndini ziyarət edirik. Burada pendir hazırlanma prosesi və tradisional Niderland kənd həyatı ilə tanış oluruq. Ardınca "Hollandiyanın Venesiyası" adlandırılan, avtomobil yolunun olmadığı və nəqliyyatın yalnız kanallarla həyata keçirildiyi nağılvari Giethoorn kəndinə yola düşürük. Giethoornda təşkil olunacaq gəmi turu ilə kanallar arasında unudulmaz gəzinti edirik. Turdan sonra Amsterdama qayıdırıq. Şam yeməyi və gecələmə oteldə.

Səhər yeməyindən sonra Avropanın kiçik, lakin zəngin dövlətlərindən biri olan Lüksemburq Hersoqluğuna yola düşürük. Lüksemburq şəhərində keçiriləcək panoramik tur zamanı Alzett çayı vadisi, Böyük Hersoq sarayı, Notr-Dam kilsəsi və Qolden Frants abidəsi ziyarət olunur. Lüksemburq gəzintisini başa vurduqdan sonra Almaniyanın Köln şəhərinə tərəf hərəkət edirik. Kölndə Qotika memarlığının ən möhtəşəm nümunələrindən biri sayılan məşhur Köln kafedral kilsəsini (Kölner Dom) və Reyn çayı sahilini gəzirik. Şam yeməyindən sonra otelə transfer və gecələmə Köln bölgəsindəki oteldə.

Səhər yeməyindən sonra səfərimizin son günündə sərbəst vaxt təyin olunur. Arzu edənlər Köln şəhər mərkəzində alış-veriş edə və ya tarixi küçələrdə gəzə bilərlər. Müəyyən olunmuş vaxtda Köln Hava Limanına transfer olunuruq. Bilet, baqaj və pasport rəsmiləşdirilməsindən sonra Türk Hava Yollarının TK1676 reysi ilə saat 18:15-də İstanbula yola düşürük. Saat 23:35-də İstanbul Hava Limanına çatma. İstanbuldan Bakıya dönüş uçuşu.