Bali Turu Sinqapur Hava Yolları ilə 5 gecə marşrutu haqqında ətraflı məlumat almaq və rezervasiya etmək üçün müraciət edin!
Bakıdan İstanbula uçuş və əsas tur proqramına qoşulma. İstanbul Hava Limanında (IST) toplandıqdan sonra Sinqapur Hava Yollarının SQ391 saylı reysi ilə saat 13:20-də Sinqapura uçuş. Gecələmə təyyarədə.
Yerli vaxtla saat 04:55-də Sinqapura varış. Ardınca Sinqapur Hava Yollarının SQ934 saylı reysi ilə saat 06:25-də Balinin inzibati mərkəzi olan Denpasara uçuş. Saat 09:00-da Balidəki Qustı Nqura Ray Beynəlxalq Hava Limanına çatma. Hava limanında qarşılanma və otelə transfer. Otaqların təhvil verilməsindən sonra istirahət və şəxsi ixtiyarınızda sərbəst vaxt. Gecələmə oteldə.
Oteldə səhər yeməyi. Gün ərzində Adanın ekzotik təbiətini, adət-ənənələrini keşf etmək üçün sərbəst vaxt. Arzu edən qonaqlar bələdçinin əlavə ödənişlə təşkil edəcəyi turlara qoşula bilərlər. Gecələmə oteldə.
Oteldə səhər yeməyi. Tropik çimərliklərdən zövq almaq, yerli bazarları gəzmək və ya spa masaj xidmətlərindən yararlanmaq üçün sərbəst vaxt. Gecələmə oteldə.
Oteldə səhər yeməyi. Bali adasının məşhur məbədlərini, düyü teraslarını və mənzərəli məkanlarını gəzmək üçün sərbəst vaxt. Arzu edən qonaqlar əlavə turlarda iştirak edə bilərlər. Gecələmə oteldə.
Oteldə səhər yeməyi. Günün birinci yarısı istirahət və suvenirlərin alınması üçün sərbəst vaxt. Otaqların təhvil verilməsindən sonra axşam saatlarında hava limanına transfer.
Sinqapur Hava Yollarının SQ947 saylı reysi ilə saat 21:45-də (6-cı günün axşamı) Denpasardan Sinqapura uçuş. Saat 00:20-də Sinqapura varış. Tranzit keçiddən sonra SQ392 saylı reyslə saat 02:15-də İstanbula uçuş. Yerli vaxtla saat 08:30-da İstanbul Hava Limanına çatma. İstanbuldan Bakıya dönüş uçuşu.
Azərbaycan Respublikasının ümumvətəndaş pasportuna sahib şəxslər üçün İndoneziya (Bali) giriş qaydaları:
- Viza rejimi: Azərbaycan vətəndaşları Baliyə (İndoneziya) səfər edərkən hava limanında 'Visa on Arrival' (VOA) əldə edə bilərlər. Viza rüsumu təxminən 35 USD təşkil edir və 30 gün qalma hüququ verir.
- Pasport etibarlılığı: Pasportun etibarlılıq müddəti İndoneziyadan çıxış tarixindən etibarən minimum 6 ay olmalıdır.
- Turist vergisi (Tourism Tax): Bali əyalətinə daxil olarkən rəsmi portal (https://lovebali.baliprov.go.id/) vasitəsilə turist vergisi ödənilməli və yaradılan QR kod saxlanılmalıdır (varışda da ödənilə bilər).
- Məcburi elektron formalar:
1. Qömrük bəyannaməsi: Səfərdən 2-3 gün əvvəl https://ecd.beacukai.go.id keçidində bəyannamə doldurulmalı və alınan QR kod saxlanılmalıdır.
2. Sağlamlıq bəyannaməsi (M-POX profillaktikası): Səfərə 48 saat qalmış (onlayn check-in etdikdən və oturacaq nömrəsini aldıqdan sonra) https://sshp.kemkes.go.id portalında form doldurulmalı və alınan QR kod ölkəyə girişdə təqdim edilməlidir.
Viza və giriş qaydaları dəyişə bildiyindən rezervasiya zamanı aktual tələblərin yenidən yoxlanılması tövsiyə olunur.
- Uçuş saatları və proqram dəyişiklikləri: Aviaşirkət tərəfindən uçuş saatlarında reallaşa biləcək dəyişikliklərə və ya ləğvlərə görə tur operatoru cavabdehlik daşımır. Uçuş saatları səfərə 48 saat qalmış dəqiqləşdirilməlidir.
- Qeydiyyat (Check-in): Qonaqlar uçuşdan minimum 3 saat əvvəl hava limanında olmalı, check-in və minik prosedurlarını vaxtında tamamlamalıdırlar.
- Aviabiletlər və şəxsi məlumatlar: Biletlər pasportdakı ad və soyada uyğun rəsmiləşdirilir. Məlumatların yalnış təqdim edilməsinə görə tur operatoru məsuliyyət daşımır.
- Baqaj hüququ: Sinqapur Hava Yolları ilə beynəlxalq reyslərdə baqaj limiti 25 kq-dır.
- Aviaqrup biletləri: Qrup biletlərində onlayn check-in və yer seçimi dəstəklənməyə bilər. Qrup uçuşlarında gediş reysindən istifadə olunmazsa, dönüş reysi sistem tərəfindən avtomatik ləğv edilir.
- Pasport etibarlılığı: Pasportun etibarlılıq müddəti ölkədən çıxış tarixindən etibarən minimum 6 ay olmalıdır.
- Əlavə turlar: Proqramdakı əlavə turlar iştirakçı sayından, hava şəraitindən və obyektlərin iş rejimindən asılı olaraq bələdçi tərəfindən dəyişdirilə və ya ləğv edilə bilər. Əlavə turlar könüllü xarakter daşıyır.
- Panoramik şəhər turları: Ümumi məlumatlandırma xarakterli olub 2-3 saat davam edir və muzeylərə girişləri əhatə etmir.
- Şəxsi əşyalar: Səfər zamanı şəxsi əşyaların qorunması qonağın öz məsuliyyətindədir.
Nümunə otel məlumatı: 4* The Patra Resort və ya analoji.
Əsas uçuş məlumatları (Sinqapur Hava Yolları):
SQ391 İST - SİN 13:20 - 04:55 (+1)
SQ934 SİN - DPS 06:25 - 09:00
SQ947 DPS - SİN 21:45 - 00:20 (+1)
SQ392 SİN - İST 02:15 - 08:30
(Qeyd: Vaxtlar yerli vaxtla göstərilmişdir. '+1' işarəsi reyslərin növbəti təqvim günü çatdığını bildirir).
Nəqliyyat və taksi tövsiyələri:
Bali daxilində 'Blue Bird' firmasına məxsus taksilərdən istifadə etməyiniz tövsiyə olunur. Bu taksilər taksometrlə dəqiq işləyir və yerli əhali tarifləri ilə xidmət göstərir (Çağrı mərkəzi: 0361 70 1111). Digər taksilərdə qiymətlər razılaşma yolu ilə olduğu üçün daha yüksək ödəniş etmə riskiniz var. Nəqliyyatın tərsinə işləməsi və özünəməxsus hərəkət qaydaları səbəbindən avtomobil və ya motosiklet kirayələmək tövsiyə edilmir.
Ticarət mərkəzləri, restoran və əyləncə:
- Ticarət mərkəzləri: Centro, Bali Galeria, Matahari, Bali Collection.
- Restoranlar: Nusa Dua bölgəsində Pica Pica (Braziliya mətbəxi); Kuta bölgəsində Hard Rock Cafe və Jamie Oliver Kitchen (İtalyan mətbəxi); Jimbaran bölgəsində Jukung (dəniz məhsulları); Seminyak bölgəsində Mozaic, Pantarei (Yunan mətbəxi), Ultimo (İtalyan mətbəxi), Shisshi (restoran və gecə klubu).
- Əyləncə məkaları: La Favela, Double Six (6), Mexicola, Mirror.
- Spa və Masaj: Ənənəvi Bali və Çin mənşəli Spa masaj salonları barədə ətraflı məlumatı yerli bələdçinizdən ala bilərsiniz.
24 avqust 2026 – 30 avqust 2026 tarixli turun mövcudluğunu satış əməkdaşımızla dəqiqləşdirin.